విశాఖపట్నంలోనే వినయ విధేయ రామ ప్రీరిలీజ్ ఈవెంట్!

మెగా పవర్ స్టార్ రామ్ చరణ్ – బోయపాటి శ్రీనుల కాంబినేషన్ లో తెరకెక్కుతున్న మూవీ “వినయ విధేయ రామ”. ఈ మూవీ టీజర్ నిన్న విడుదల కాగా ఒక్క రోజులోనే టీజర్ ఏకంగా కోటిన్నర డిజిటిల్ వ్యూస్ ను దక్కించుకుంది.. సంక్రాంతికి ప్రేక్షకుల ముందుకు రాబోతున్న ఈ చిత్రం ప్రీరిలీజ్ ఈవెంట్ ను డిసెంబర్ లో విడుదల చేయబోతున్నారు. షూటింగ్ ఇప్పటికే టాకీ పార్ట్ మినహా అంతా పూర్తి అయినట్లుగా ప్రకటన వచ్చింది. మిగిలి ఉన్న పాటల చిత్రీకరణ డిసెంబర్ రెండవ వారంకు పూర్తి అయ్యే అవకాశం ఉందని సమాచారం..

పాటల చిత్రీకరణ పూర్తి చేయగానే అంటే డిసెంబర్ నాల్గవ వారంలో ఆడియో విడుదల చేసే అవకాశం ఉంది. ఈ చిత్రం ఆడియోను వైజాగ్ లో నిర్వహించాలని భావిస్తున్నారట. చరణ్ గత చిత్రం ‘రంగస్థలం’ చిత్రం ఆడియో వేడుకను వైజాగ్ లో నిర్వహించారు. ఆ చిత్రం భారీ బ్లాక్ బస్టర్ అయ్యింది. అందుకే సెంటిమెంట్ వర్కౌట్ అవుతుందనే ఉద్దేశ్యంతో వైజాగ్ లోనే వినయ విధేయ రామ చిత్రం ఆడియో వేడుకను ప్లాన్ చేస్తున్నారు.