Ram Charan: సల్మాన్ పై ఆసక్తికర వ్యాఖ్యలు చేసిన చరణ్!

టాలీవుడ్ మెగాస్టార్ చిరంజీవి ప్రస్తుతం గాడ్ ఫాదర్ సినిమాలో నటిస్తున్న సంగతి తెలిసిందే. మలయాళంలో బ్లాక్ బస్టర్ హిట్ గా నిలిచిన లూసిఫర్ కు రీమేక్ గా ఈ సినిమా తెరకెక్కుతుండగా ఒరిజినల్ చూసిన వాళ్లకు సైతం నచ్చే విధంగా ఈ సినిమా స్క్రిప్ట్ లో కీలక మార్పులు చేశారు. గాడ్ ఫాదర్ లో సల్మాన్ ఖాన్ కూడా నటిస్తున్నారని ఇప్పటికే ప్రకటన వెలువడింది. సల్మాన్ నటిస్తుండటంతో గాడ్ ఫార్ బాలీవుడ్ లో కూడా భారీస్థాయిలో రిలీజయ్యే ఛాన్స్ ఉంది.

అయితే ఈ సినిమాకు సల్మాన్ ఖాన్ ఓకే చెప్పడం వెనుక ఉన్న అసలు కారణాలు తాజాగా వెలుగులోకి వచ్చాయి. చరణ్ ఒక సందర్భంలో సల్మాన్ ఖాన్ గురించి మాట్లాడుతూ కొన్నేళ్ల క్రితం చిరంజీవి, సల్మాన్ ఖాన్ థమ్స్ అప్ యాడ్ లో నటించారని చెప్పుకొచ్చారు. అప్పటినుంచి సల్మాన్ ఖాన్ తమ కుటుంబంతో సన్నిహితంగా ఉన్నారని చరణ్ వెల్లడించారు. ప్రత్యేక సందర్భాల్లో సల్మాన్ ను కలవడం జరుగుతుందని చరణ్ అన్నారు. సల్మాన్ ఖాన్ హైదరాబాద్ కు వస్తే తప్పనిసరిగా కలుస్తామని చరణ్ చెప్పుకొచ్చారు.

మరోవైపు ఆర్ఆర్ఆర్ సినిమాతో చరణ్ కు పాన్ ఇండియా హీరోగా గుర్తింపు రానుంది. భవిష్యత్తులో సల్మాన్ ఖాన్, చరణ్ ఒకే సినిమాలో కలిసి నటిస్తే బాగుంటుందని అభిమానులు కోరుకుంటున్నారు. ఈ కాంబినేషన్ లో సినిమా వస్తుందో లేదో చూడాల్సి ఉంది. చరణ్ ప్రస్తుతం భవిష్యత్తు ప్రాజెక్టులపై దృష్టి పెట్టారు. చరణ్ నటిస్తున్న ఆచార్య షూటింగ్ ఇప్పటికే పూర్తి కాగా చరణ్ శంకర్ కాంబో మూవీ షూటింగ్ కొంతభాగం పూర్తైంది.

ఈ ఏడాది సెకండాఫ్ లో చరణ్ శంకర్ కాంబో మూవీ రిలీజయ్యే ఛాన్స్ ఉందని వార్తలు వస్తున్నాయి. కియారా అద్వానీ ఈ సినిమాలో చరణ్ కు జోడీగా నటిస్తుండగా 200 కోట్ల రూపాయలకు పైగా బడ్జెట్ తో ఈ సినిమా తెరకెక్కుతోంది. చరణ్ ఈ సినిమాలో రెండు షేడ్స్ ఉన్న పాత్రల్లో కనిపించనున్నారని తెలుస్తోంది.

2021.. ఇండస్ట్రీని వివాదాలతో ముంచేసింది!

Most Recommended Video

ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!