Ram Charan: స్పీడ్ పెంచిన చరణ్.. మరో మూవీకి గ్రీన్ సిగ్నల్..!

రాజమౌళి డైరెక్షన్లో ‘ఆర్.ఆర్.ఆర్’ చేస్తున్న చరణ్.. ఆ తరువాత ఏ దర్శకుడితో సినిమా చేస్తాడు అనే సస్పెన్స్ ఈ మధ్యనే వీడిన సంగతి తెలిసిందే. కోలీవుడ్ స్టార్ డైరెక్టర్ శంకర్ తో తన తరువాతి సినిమా చెయ్యడానికి రెడీ అయ్యాడు చరణ్. ఇది అతనికి 15వ చిత్రం కాగా..సక్సెస్ ఫుల్ ప్రొడ్యూసర్ దిల్ రాజు నిర్మించబోతున్నాడు. ఇంకో విశేషం ఏమిటంటే దిల్ రాజు కి నిర్మాతగా ఇది 50వ చిత్రం కావడం. అందుకే ఆయన దీనిని ఎంతో ప్రతిష్టాత్మకంగా రూపొందించనున్నాడు.

ఇదిలా ఉండగానే.. తన 16వ చిత్రానికి సంబంధించిన వివరాలను కూడా వెల్లడించడానికి చరణ్ అండ్ టీం రెడీ అయ్యిందట. వివరాల్లోకి వెళితే..’మళ్ళీ రావా’ ‘జెర్సీ’ వంటి హిట్ చిత్రాల దర్శకుడు గౌతమ్ తిన్ననూరి చరణ్ 16వ చిత్రాన్ని తెరకెక్కించనున్నాడట. నిజానికి చాలా రోజుల నుండీ ఈ కాంబినేషన్ చర్చల దశలో ఉంది. ‘ఆర్.ఆర్.ఆర్’ పూర్తయిన వెంటనే చరణ్ ఇదే ప్రాజెక్ట్ ను అనౌన్స్ చేస్తాడు అని అంతా అనుకున్నారు. కానీ సడెన్ గా సీన్లోకి శంకర్ వచ్చి చేరడం జరిగింది.

ఈ క్రమంలో గౌతమ్ కూడా తన బాలీవుడ్ ‘జెర్సీ’ని కంప్లీట్ చెయ్యాలి కాబట్టి.. చరణ్ ప్రాజెక్టుని అనౌన్స్ చెయ్యలేదని స్పష్టమవుతుంది. కానీ ఇటీవల ‘జెర్సీ’ మూవీకి నేషనల్ అవార్డు వచ్చిన నేపథ్యంలో గౌతమ్ తో సినిమాలు చెయ్యడానికి పెద్ద హీరోలు ఇంట్రెస్ట్ చూపిస్తున్నారు. అందుకే చరణ్- గౌతమ్ ల ప్రాజెక్టుని అనౌన్స్ చెయ్యడానికి నిర్మాత రెడీ అయినట్టు టాక్.

Most Recommended Video

వైల్డ్ డాగ్ సినిమా రివ్యూ & రేటింగ్!
సుల్తాన్ సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!