ఏదైనా సినిమాలో హీరో స్టీల్ లేదా లుక్ రివీల్ అయ్యాక.. అది ఫలానా సినిమాలోనిది అని చెప్పడం ఈమధ్యకాలంలో షరా మామూలే. నిన్న విడుదలైన “వినయ విధేయ రామ” ట్రైలర్ లో రామ్ చరణ్ లుక్ ను కూడా ఇలాగే కంపేర్ చేస్తున్నారు. అయితే.. చరణ్ లుక్ ను కంపేర్ చేస్తున్నది ఏదో మాస్ సినిమా హీరోతో కాదండోయ్.. ఒక యానిమేషన్ మూవీలోని కార్టూన్ క్యారెక్టర్ తో. ట్రైలర్ చివర్లో బాడీ నిండా టాటూస్ తో ఉన్న చరణ్ లుక్ ఆయన వీరాభిమానులకి తెగ నచ్చేసి.. మచ్చలపులి గట్రా అని పొగిడేస్తున్నారు కానీ.. కొందరు ఈ లుక్ ఏంటి.. “మోనా” అనే యానిమేషన్ సినిమాలోని “మావీ” అనే క్యారెక్టర్ ను పోలి ఉందని కంపేరిజన్స్ మొదలెట్టారు.
చరణ్ సరసన కైరా అద్వానీ కథానాయికగా నటిస్తున్న ఈ చిత్రాన్ని డి.వి.వి.దానయ్య నిర్మిస్తుండగా.. బోయపాటి దర్శకత్వంలో వచిస్తున్నారు. జనవరి 11న ఈ చిత్రాన్ని ప్రపంచవ్యాప్తంగా విడుదల చేయనున్నారు. మరి ఎన్టీఆర్ బయోపిక్, రజనీకాంత్ పెట్ట లాంటి బడా స్టార్ల సినిమాల తర్వాత విడుదలవుతున్న ఈ చిత్రం మాస్ ఆడియన్స్ ను ఏమేరకు ఎంటర్ టైన్ చేస్తుందో చూడాలి. నిన్న విడుదలైన ట్రైలర్లో బోయపాటి మార్క్ మాస్ ఎలిమెంట్స్ పుష్కలంగా ఉన్నాయనిపించినప్పటికీ.. ఎక్కడో ఏదో లోపించినట్లుగా అనిపించింది.
Home