మెగా అభిమానులకు మంచి కానుక ఇవ్వనున్న రామ్ చరణ్!

ఆగస్టు 22 .. మెగా అభిమానులు మరిచిపోని రోజు ఇది. మెగాస్టార్ చిరంజీవి పుట్టినరోజు. ఆ రోజున తెలుగు రాష్ట్రాల్లోని చిరు అభిమానులు అనేక సేవా కార్యక్రమాలు నిర్వహిస్తారు. పండుగలా జరుపుకుంటారు. అటువంటి అభిమానులకు గత ఏడాది మెగా పవర్ స్టార్ రామ్ చరణ్ తేజ్ చిరంజీవి 151 వమూవీ టైటిల్ ని రిలీజ్ చేశారు. సైరా నరసింహా రెడ్డి  మోస్టర్ పోస్టర్ విడుదల చేసి అభిమానుల్లో సంతోషాన్ని నింపారు. మరో నెలరోజుల్లో చిరు పుట్టినరోజు రానుంది. అప్పుడు కూడా ఫ్యాన్స్ కి గిఫ్ట్ ఇవ్వడానికి రామ్ చరణ్ ఫిక్స్ అయిపోయారు. సైరా నరసింహా రెడ్డి టీజర్ ని రిలీజ్ చేయాలనీ భావిస్తున్నారు.

ఇప్పటికే సైరా ఎడిటింగ్ బృందానికి ఈ విషయాన్నీ చెప్పినట్లు తెలిసింది. వారు అదిరే టీజర్ సిద్ధం చేసే పనిలో ఉన్నారు. సురేందర్ రెడ్డి దర్శకత్వంలో తెరకెక్కుతోన్న ఈ చిత్రం వేగంగా షూటింగ్ జరుపుకుంటోంది. బాలీవుడ్ బి అమితాబ్ బచ్చన్ తో పాటు నయనతార, జగపతిబాబు తదితరులు నటిస్తున్న ఈ మూవీపై భారీ అంచనాలు ఉన్నాయి. అనుకున్నట్లు చిత్రీకరణ సాగితే ఈ సినిమా వచ్చే వేసవికి థియేటర్లోకి రానుంది. ఇక బోయపాటి శ్రీను దర్శకత్వంలో రామ్ చరణ్ నటిస్తున్న మూవీ టైటిల్, ఫస్ట్ లుక్ ని కూడా ఆగస్టు 22 న రిలీజ్ చేయాలనీ  అనుకున్నట్లు తెలిసింది. సో మెగా అభిమానులు ఒకే రోజు రెండు పండుగలు జరుపుకోనున్నారన్నమాట.