Ram Charan, Kalyan Ram: ఆ రామ్ కోసం అనుకున్న టైటిల్ ఈ రామ్ వద్దకు వచ్చిందట..!

కళ్యాణ్ రామ్ (Nandamuri Kalyan Ram) హీరోగా ప్రదీప్ చిలుకూరి దర్శకత్వంలో ఓ సినిమా రూపొందుతోంది. ఇది కళ్యాణ్ రామ్ కెరీర్లో 21వ సినిమా. లేడీ సూపర్ స్టార్ విజయశాంతి కూడా ఈ సినిమాలో కీలక పాత్ర పోషిస్తుంది. ఆమె పాత్రకు సంబంధించిన గ్లింప్స్ ను ఇటీవల రిలీజ్ చేశారు. ఇందులో ఆమె పోలీస్ పాత్ర పోషిస్తుంది.ఫైట్స్ సీక్వెన్స్ లో కూడా పాల్గొన్నట్టు విజువల్స్ చెబుతున్నాయి. ఎన్టీఆర్ ఆర్ట్స్‌, అశోక క్రియేష‌న్స్ సంస్థ‌లు కలిసి ఈ చిత్రాన్ని ఎంతో ప్రతిష్టాత్మకంగా నిర్మిస్తున్నాయి.

అయితే ఈ సినిమాకి టైటిల్ ఇంకా ఫిక్స్ చేయలేదు. మొన్న రిలీజ్ చేసిన విజయశాంతి (Vijayashanti)  గ్లింప్స్ లో టైటిల్ ను రివీల్ చేయలేదు. మొత్తానికి ఇప్పుడు టైటిల్ ను ఫిక్స్ చేసినట్లు వినికిడి. అందుతున్న సమాచారం ప్రకారం.. ఈ సినిమాకి ‘మెరుపు’ అనే టైటిల్ ను అనుకుంటున్నారట మేకర్స్. దాదాపు ఈ టైటిల్ ఫిక్స్ అయినట్టే..! గతంలో రాంచరణ్ (Ram Charan) సినిమా కోసం ఈ టైటిల్ ని రిజిస్టర్ చేశారు.

‘బంగారం’ ఫేమ్ ధరణి ఆ చిత్రాన్ని డైరెక్ట్ చేయాలి. కాజల్ (Kajal Aggarwal) హీరోయిన్, దేవి శ్రీ ప్రసాద్ (Devi Sri Prasad) సంగీత దర్శకుడిగా ఎంపికయ్యాడు. చాలా గ్రాండ్ గా ఆ సినిమా స్టార్ట్ అయ్యింది. కానీ కొన్ని కారణాల వల్ల ‘మెరుపు’ మధ్యలోనే ఆగిపోయింది. ఆ తర్వాత ఆ సినిమా టైటిల్ పై కూడా ఎవ్వరూ ఫోకస్ చేయలేదు. చివరికి అది కళ్యాణ్ రామ్ కోసమే రాసి పెట్టినట్టు ఉంది. తిరిగి తిరిగి అతని వద్దకే వచ్చింది.