శంకర్ చరణ్ కాంబో మూవీపై భారీస్థాయిలో అంచనాలు నెలకొన్న సంగతి తెలిసిందే. శంకర్ ఈ సినిమా షూటింగ్ ను శరవేగంగా పూర్తి చేస్తుండగా వచ్చే ఏడాది సంక్రాంతి కానుకగా ఈ సినిమా రిలీజ్ కానుంది. చరణ్ కు జోడీగా ఈ సినిమాలో కియారా అద్వానీ నటిస్తున్నారు. అయితే రిలీజ్ కు ముందే ఈ సినిమా ఖాతాలో అరుదైన రికార్డులు చేరుతున్నాయి. ఈ సినిమా హిందీ హక్కులు ఏకంగా ఏకంగా 350 కోట్ల రూపాయలకు అమ్ముడయ్యాయని సమాచారం.
ఆర్ఆర్ఆర్ మూవీ వల్ల చరణ్ కు బాలీవుడ్ ఇండస్ట్రీలో భారీస్థాయిలో ఫ్యాన్ ఫాలోయింగ్ పెరిగింది. శంకర్ కు కూడా బాలీవుడ్ లో మంచి గుర్తింపు ఉంది. అందువల్లే ఈ సినిమా హక్కులు ఊహించని రేటుకు అమ్ముడయ్యాయని బోగట్టా. ఈ సినిమా నిర్మాత దిల్ రాజుకు రిలీజ్ కు ముందే కళ్లు చెదిరే లాభాలు వస్తున్నాయి. శ్రీకాంత్, జయరామ్, సునీల్ ఈ సినిమాలో కీలక పాత్రలు పోషిస్తున్నారు. దాదాపుగా 200 కోట్ల రూపాయల భారీ బడ్జెట్ తో నిర్మాత దిల్ రాజు ఈ సినిమాను నిర్మిస్తున్నారు.
ఈ సినిమా పారితోషికాల కోసమే ఏకంగా 100 కోట్ల రూపాయల కంటే ఎక్కువ మొత్తం ఖర్చైందని తెలుస్తోంది. ప్రస్తుతం రాజమండ్రిలో ఈ సినిమా షూటింగ్ జరుగుతోంది. జూన్ నెలాఖరు నాటికి ఈ సినిమా షూటింగ్ పూర్తయ్యే ఛాన్స్ అయితే ఉంది. శంకర్ ఈ సినిమా పోస్ట్ ప్రొడక్షన్ పనుల కోసం ఎక్కువ సమయం కేటాయించనున్నారు. ఈ సినిమాకు ఇప్పటివరకు టైటిల్ కూడా ఫిక్స్ కాలేదనే సంగతి తెలిసిందే. ఈ సినిమా తెలుగు హక్కులకు కూడా ఊహించని స్థాయిలో పోటీ నెలకొంది.
ఈ మధ్య కాలంలో సరైన సక్సెస్ లేని శంకర్ ఈ సినిమాతో దర్శకుడిగా మళ్లీ ప్రూవ్ చేసుకోవాలని భావిస్తున్నారు. వరుసగా పాన్ ఇండియా సినిమాలలో నటిస్తూ సినిమాసినిమాకు చరణ్ క్రేజ్ ను పెంచుకుంటూ ఉండటం గమనార్హం. కెరీర్ విషయంలో చరణ్ ప్లానింగ్ ను చూసి ఇతర హీరోలు సైతం ఆశ్చర్యపోతున్నారు.
Most Recommended Video
ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!
Home