రామ్‌చరణ్‌, ఉపాసన ఇటీవల ముంబయిలో ఓ ఇల్లు కొనుక్కున్నారని ఇటీవల వార్తలొచ్చాయి. అందులో నిజమెంతుందో తెలుసుకునేలోపే… రామ్‌చరణ్‌ కొత్త ఇల్లు ఇదేనంటూ… సోషల్‌ మీడియాలో కొన్ని ఫొటోలు వైరల్ అవుతున్నాయి. ఇల్లు ఫొటోలు అంటే… ఏదో బయట దూరంగా ఉండి తీసినవి కావు. ఇంట్లోపలి ఇంటీరియర్ డెకరేషన్‌ ఉన్న ఫొటోలవి. వాటి ప్రకారం చూస్తే… ఇల్లు అద్భుతంగా ఉంది.
ముంబయిలోని బీచ్‌కు ఫేసింగ్‌లో రామ్‌చరణ్‌ ఈ ఇల్లు కొనుగోలు చేశారట. ఆ తర్వాత ప్రముఖ ఇంటీరియర్ డిజైనర్ కొటారి ఆధ్వర్యంలో ఆరు నెలలు శ్రమించి రామ్ చరణ్, ఉపాసన కలసి కొత్త ఇంటిని డిజైన్ చేయించుకున్నారట. అయితే ఇప్పటికే ఈ ఇంట్లో ఉపాసనతో కలసి గృహప్రవేశం కూడా చేశారని వార్తలొస్తున్నాయి. అయితే ఈ విషయంలో ఆ జంట నుండి ఎలాంటి అధికారిక సమాచారం లేదు.
ఇక రామ్‌చరణ్‌ ముంబయిలో ఇల్లు తీసుకున్న కారణం గురించి చూస్తే.. రామ్‌చరణ్‌ ఇటీవల తన సినిమా పనుల మీద ముంబయి వెళ్లాల్సి వస్తోందట. అలాగే ఉపాసన కూడా తనకు సంబంధించిన వివిధ వ్యాపారాలను ముంబయికి విస్తరించాలని అనుకుంటున్నారు. దీని కోసం ముంబయి వెళ్లినప్పుడల్లా లేదా అక్కడ ఉండాల్సినప్పుడు హోటల్స్‌ ఉండే కంటే ఇల్లు ఉంటే బాగుంటుందని కొనుగోలు చేశారని సమాచారం.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
