మెగాస్టార్ చిరంజీవి కెరీర్ లో చిత్రరాజంగా నిలిచిపోయింది జగదేకవీరుడు అతిలోకసుందరి. ఓ సామాన్యుడితో దేవకన్య ప్రేమలో పడడం, ఆమెను ఇబ్బందుల నుండి అతడు కాపాడడం అనే సోసియో ఫాంటసీ కథతో వచ్చిన ఈ సినిమా అప్పటి వరకు ఉన్న టాలీవుడ్ రికార్డ్స్ మొత్తం తుడిచిపెట్టింది. రాజు పాత్రలో చిరు గ్రేస్ నటన, దేవకన్యగా శ్రీదేవి గ్లామర్, ఇళయరాజా సాంగ్స్ ఆ సినిమాను ఆకాశమంత ఎత్తుకు చేర్చాయి. కాగా ఈ సినిమా విడుదలై 30ఏళ్ళు కావస్తుంది.
1990 మే 9న విడుదలైన జగదేకవీరుడు అతిలోకసుందరి 30ఏళ్ళు పూర్తి చేసుకోనుంది. ఈ సందర్భంగా ఈ మూవీకి సంబంధించిన ఆసక్తికర అంశాలు చిత్ర యూనిట్ పంచుకుంటున్నారు. కాగా ఎప్పటి నుండో జగదేకవీరుడు అతిలోకసుందరి మూవీకి సీక్వెల్ ఉంటుందని ప్రచారం జరుగుతుంది. ఈ ఐకానిక్ మూవీకి సీక్వెల్ వస్తే చూడాలని ఫ్యాన్స్ సైతం ఎప్పటి నుండో కోరుకుంటున్నారు. ఇక చిరంజీవి వారసుడు రామ్ చరణ్ తో పాటు, శ్రీదేవి కూతురు జాన్వీ కపూర్ వెండితెర ఎంట్రీ ఇచ్చినప్పటి నుండి దీనికి సీక్వెల్ వీరిద్దరితో తెరకెక్కించాలని చాలా మంది కోరుకుంటున్నారు.
ఐతే జగదేకవీరుడు అతిలోకసుందరి మూవీకి సీక్వెల్ ఉంటుందా అని అశ్వినీ దత్ ని అడిగితే..ఉంటుందని స్పష్టత ఇచ్చారు. అలాగే త్వరలో నటీనటుల వివరాలు ప్రకటిస్తామన్నారు. చిరు నటించిన ఈ మూవీ సీక్వెల్ లో చరణ్ ని తప్ప వేరొకరిని ఊహించుకోలేము. కాబట్టి అశ్విని దత్ చరణ్ తోనే ఈ సినిమా చేసే సూచనలు ఉన్నాయి. కనుక ఆర్ ఆర్ ఆర్ తరువాత చరణ్ ఈ సీక్వెల్ లో నటించే అవకాశం లేకపోలేదు.
Most Recommended Video
అమృతారామమ్ సినిమా రివ్యూ & రేటింగ్!
‘బాహుబలి’ ని ముందుగా ప్రభాస్ కోసం అనుకోలేదట…!
తండ్రికి తగ్గ తనయలు అనిపిస్తున్న డైరెక్టర్స్ కూతుళ్లు
