రాజమౌళి డైరెక్షన్ లో చరణ్, జూనియర్ ఎన్టీఆర్ కాంబినేషన్ లో తెరకెక్కుతున్న ఆర్ఆర్ఆర్ సినిమాపై భారీగా అంచనాలు నెలకొన్న సంగతి తెలిసిందే. 450 కోట్ల రూపాయల బడ్జెట్ తో దేశంలోనే భారీ మల్టీస్టారర్ గా తెరకెక్కుతున్న ఆర్ఆర్ఆర్ సినిమా కోసం ప్రేక్షకులు ఆసక్తిగా ఎదురుచూస్తున్నారు. ఈ సినిమాకు సంబంధించి ప్రస్తుతం ఒక ఫోటో నెట్టింట తెగ వైరల్ అవుతోంది. ఫోటోలో భీమ్ పాత్రలో ఉన్న ఎన్టీఆర్ ను ఒకచోట కట్టేసి ఉండగా అల్లూరి పాత్ర పోషిస్తున్న చరణ్ ఎన్టీఆర్ ను విడిపిస్తారు.
వైరల్ అవుతున్న ఫోటోను ఎన్టీఆర్, చరణ్ ఫ్యాన్స్ సోషల్ మీడియాలో షేర్ చేస్తూ సినిమా రిలీజ్ కోసం ఎదురు చూస్తున్నామని కామెంట్లు చేస్తుండటం గమనార్హం. ఇప్పటికే రెండు పాటలు మినహా ఆర్ఆర్ఆర్ షూటింగ్ దాదాపుగా పూర్తి కావడంతో ఈ సినిమా అక్టోబర్ 13వ తేదీన కచ్చితంగా రిలీజ్ అయ్యే అవకాశాలు కనిపిస్తున్నాయి. ఎన్టీఆర్ తల్లి పాత్రలో శ్రియ, తండ్రి పాత్రలో అజయ్ దేవగణ్ కనిపిస్తారని ఇండస్ట్రీ వర్గాల్లో ప్రచారం జరుగుతోంది.
కీరవాణి ఈ సినిమాకు సంగీతం అందిస్తుండగా డీవీవీ దానయ్య ఈ సినిమాను నిర్మిస్తుండటం గమనార్హం. ఈ సినిమా ప్రమోషనల్ సాంగ్ ను ప్రముఖ సంగీత దర్శకుడు అనిరుధ్ పాడటంతో పాటు ఈ పాటలో గెస్ట్ అప్పియరెన్స్ ఇస్తారని తెలుస్తోంది. ఇప్పటికే చరణ్, ఎన్టీఆర్ రెండు భాషల్లో డబ్బింగ్ పనులను పూర్తి చేశారు. అలియాభట్, ఒలీవియా మోరిస్ ఈ సినిమాలో కీలక పాత్రల్లో నటిస్తున్న సంగతి తెలిసిందే.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
