అన్నదమ్ముల కోసం అబ్బాయి మాస్టర్ ప్లాన్!!!

టాలీవుడ్ టాప్ ఫ్యామిలీస్ లో ఒకటైన మెగా ఫ్యామిలీ నుంచి చాలా మంది హీరోలు వస్తున్నారు. అయితే ట్యాలెంట్ మాట పక్కన పెడితే, మెగా ఫ్యామిలీకి ఉన్న క్రేజ్ తో దూసుకుపోతున్నారు కొందరు హీరోలు. ఇదిలా ఉంటే చిరు తనయుడిగా టాలీవుడ్ లోకి అడుగుపెట్టిన రామ్‌చరణ్ తండ్రికి తగ్గ తనయుడిగా పేరు తెచ్చుకునే క్రమంలో విశ్వ ప్రయత్నాలే చేస్తున్నాడు. ఇక తాజాగా మెగా ఫ్యామిలీలో చీలికలు రావడం, పవన్, చిరు ఇద్దరూ కాస్త దూరంగా ఉండడం వల్ల చెర్రీ సైతం తన టైటిల్ మెగా పవర్ స్టార్ లో పవర్ తీసేసాడు.

అయితే పవన్ లేకపోతే పని అవ్వదు అని తెలుసుకున్న చెర్రీ మళ్లీ పవన్ ను, పవన్ ఫ్యాన్స్ ను ఆకట్టుకుని ప్రయత్నంలో భాగంగా ఒక మాస్టర్ ప్లాన్ రచించాడు…ఇంతకీ ఏంటి ఆ మాస్టర్ ప్లాన్ అంటే…రామ్ చరణ్ ‘ధని ఒరువన్’ రీమేక్ ‘ధృవ’ టీజర్ ను తనతండ్రి పుట్టినరోజు ఆగష్టు 22న విడుదల చేయడానికి అదేవిధంగా ఈసినిమా ఆడియో ఫంక్షన్ ను తన బాబాయ్ పవన్ పుట్టినరోజు సెప్టెంబర్ 2న విడుదల చేయడానికి సన్నాహాలు చేస్తున్నట్లు సమాచారం. అదేవిధంగా ఈ ‘ధృవ’ ఆడియో ఫంక్షన్ కు పవన్ అతిధిగా తీసుకు వచ్చి తిరిగి చిరంజీవి పవన్ లను ఒకే వేదిక పై కలిపి ‘ధృవ’ సినిమా పబ్లిసిటీకి మెగా ప్లాన్ రచించినట్లు టాక్. అలా పవన్ ను ఎక్కడ వాడుకోవాలో ఆక్కడ వాడుకోవడానికి చెర్రీ పక్కా ప్లాన్ తో ముందుకు పోతున్నట్లు తెలుస్తుంది. ఏది ఏమైనా..మెగా ఫ్యామిలీ రూటే సేపరేటు…చూడాలి దీనికి పవన్ ఎలా స్పందిస్తాడో.