రష్యా దండయాత్రను బలంగా ఎదుర్కొంటూ ముందుకు సాగుతోంది ఉక్రెయిన్. ఈ మాట చెప్పడానికి సులభంగా ఉండొచ్చు కానీ… అక్కడి ప్రజలు అనుభవిస్తున్న నరకం మనం చూస్తున్నదానికి, వింటున్న దానికి ఎన్నో రెట్లు ఎక్కువగా ఉంటుంది. అయితే ఇటీవల టాలీవుడ్ నుండి అక్కడికెళ్లి షూటింగ్ చేసిన సినిమా అంటే ‘ఆర్ఆర్ఆర్’. ‘నాటు నాటు..’ పాటను అక్కడే చిత్రీకరించారు. ఈ సినిమా ప్రచారంలో భాగంగా ‘ఆర్ఆర్ఆర్’ టీమ్‌ను ఉక్రెయిన్ గురించి అడిగితే భావోద్వేగానికి గురయ్యారు. ఈ క్రమంలో రామ్ చరణ్ ఆసక్తికర విషయం చెప్పుకొచ్చాడు.
‘నాటు నాటు..’ పాటలో బ్యాగ్రౌండ్ డ్యాన్స‌ర్లంతా ఉక్రెయిన్ వాసులే. ‘ఆర్ఆర్ఆర్’ చిత్రీకరణ అక్కడ చేసినప్పుడు పరిస్థితులు వేరు, ఇప్పటి పరిస్థితులు వేరు. ‘ఆర్ఆర్ఆర్’ షూటింగ్ చేసేటప్పుడు ఉక్రెయిన్‌లో ఆందోళన వాతావరణం ఏమీ లేదు అని చెప్పాడు చరణ్. ‘ఆర్ఆర్ఆర్’ షూటింగ్ టైమ్‌లో తనకు సెక్యూటిరీగా ఉన్న వ్యక్తితో చరణ్ మాట్లాడాడట. తన 80 ఏళ్ల తండ్రి గన్ పట్టుకుని యుద్ధంలో పాల్గొంటున్నారని ఆ వ్యక్తి చెప్పాడట. దీంతో చరణ్ వాళ్లకు సాయంగా ఉంటుందని కొంత డబ్బులు పంపించారట. అయితే ఆ సాయం వారికి సరిపోదని తనకు తెలుసని, నా వంతు సహాయం నేను చేశానని రామ్ చరణ్ చెప్పారు.
ఇక తారక్‌ మాట్లాడుతూ… ఉక్రెయిన్‌లో ప్రజలకు, అక్కడి డ్యాన్సర్లకు కొత్త విషయలు తెలుసుకోవాలనే క్యూరియాసిటీ ఉందని, అది నేను గమనించానని అన్నాడు. ఉక్రెయిన్ ప్రజలు ఫ్రెండ్లీగా ఉంటారు. అంతేకాదు ప్రొఫెషనల్ కూడా. ‘నాటు నాటు..’ పాటలో డ్యాన్స్ అసలు వాళ్లు డ్యాన్స్ స్టైల్ కాదు.. కానీ వేగంగా నేర్చుకుని చేశారు. ‘ఆర్ఆర్ఆర్’ చిత్రీకరణ ఉక్రెయిన్‌లో జరిపినప్పుడు అక్కడి రాజకీయ పరిస్థితులు గురించి మాకు ఐడియా లేదు. అక్కడ యుద్ద వాతావరణం ఉందని మన దేశానికి వచ్చిన తర్వాతే తెలిసిందన్నారు రాజమౌళి.
ఇటీవల కాలంలో చాలా మంది ఉక్రెయిన్‌లో ఎలా షూట్ చేశారని అడిగారట రాజమౌళిని. అక్కడ షూట్ చేసినప్పుడు ఎలాంటి ప్రతికూలమైన పరిస్థితులూ ఎదురవ్వలేదు. అంతా అనుకున్నట్లుగానే సాగిపోయింది అని వారికి చెప్పారట రాజమౌళి. అంతేకాదు అక్కడ తన కారు డ్రైవ్‌ చేసిన వ్యక్తి, అసిస్టెంట్‌తో రాజమౌళి మాట్లాడారట. యుద్ధం మొదలైన తర్వాత వారికి ఫోన్ చేసి అక్కడి పరిస్థితులు అడిగి తెలుసుకున్నారట.
Most Recommended Video
ఒకే ఫ్యామిలీలో రెండు జెనెరేషన్స్ కు చెందిన హీరోలతో జోడీ కట్టిన భామల లిస్ట్..!
‘గాడ్ ఫాదర్’ తో పాటు టాలీవుడ్లో రీమేక్ కాబోతున్న 10 మలయాళం సినిమాలు..!
ఈ 10 సినిమాలు తెలుగులోకి డబ్ అయ్యాక కూడా రీమేక్ అయ్యాయని మీకు తెలుసా..!
