Ram Charan: ‘ఆచార్య’ సెట్‌ నుండి మెగా ఫ్యాన్స్‌కి కిక్‌ ఇచ్చే మేటర్‌!

April 21, 2022 / 11:43 AM ISTByFilmy Focus

Join Us

Ram Charan: ‘ఆచార్య’ సెట్‌ నుండి మెగా ఫ్యాన్స్‌కి కిక్‌ ఇచ్చే మేటర్‌!

‘భలే బంజారా… ’ అంటూ ఈ నెల 29న థియేటర్లలో సందడి చేయడానికి సిద్ధమవుతున్నారు తండ్రీకొడుకులు చిరంజీవి, రామ్‌చరణ్‌. ‘ఆచార్య’లో ఈ పాటకు సంబంధించి ఇటీవల లిరికల్‌ సాంగ్‌ విడుదలైన విషయం తెలిసిందే. అప్పటి నుండి ఈ పాటను పెద్ద తెర మీద చూడానికి ఆభిమానులు ఆతృతగా ఎదురుచూస్తున్నారు. అలాంటి వారి కోసం బంపర్‌ న్యూస్‌ ఒకటి బయటికొచ్చింది. ఈ విషయాన్ని రామ్‌చరణే చెప్పాడు. ‘ఆచార్య’ సినిమా విడుదల సందర్భంగా రామ్‌చరణ్‌, దర్శకుడు కొరటాల శివ ఇటీవల ఓ స్పెషల్‌ ఇంటర్వ్యూ ఇచ్చారు.

Click Here To Watch NOW

అందులో సినిమాకు సంబంధించిన చాలా విషయాలు చెప్పుకొచ్చారు. అన్ని విషయాల్లోకెల్లా మేం చెప్పబోతున్న విషయం చాలా ఆసక్తికరంగా అనిపిస్తుంది ప్రేక్షకులకు. అదే ‘భలే బంజారా..’ పాట చిత్రీకరణ సమయంలో సెట్స్‌లో జరిగిన విషయం. ‘భలే బంజారా..’ పాట లిరికల్‌ వీడియో విడుదలకు ముందు చిత్రబృందం ఓ వీడియో రిలీజ్‌ చేసింది. పాట షూటింగ్‌కి ముందు చిరంజీవి, రామ్‌చరణ్‌ ఎలా స్పందించారు అనేది ఆ వీడియో సారాంశం. ఈ క్రమంలో నేను బాగా చేస్తాను అంటే నేను బాగా చేస్తాను అని తండ్రీకొడుకులు స్వీట్‌ వార్నింగ్‌లు ఇచ్చుకున్నారు.

కానీ నిజానికి రామ్‌చరణ్‌ మనసులో ఫీలింగ్‌ వేరేలా ఉండేదట. ఆ విషయాన్ని ఇంటర్వ్యూలో చెప్పుకొచ్చారు. నాన్నతో డ్యాన్స్‌ అనగానే నా గుండెల్లో రైళ్లు పరిగెట్టాయి. చెమటలు పట్టేసేవి. ఆ భయం బయటకు కనిపించకుండా ఏదో మేనేజ్‌ చేశా. అయితే ఈ పాట షూటింగ్‌ అప్పుడు మా అమ్మ, నాన్నమ్మ సెట్‌కు వచ్చారు. పాట షూట్‌ చూసి ‘‘నా కొడుకు బాగా చేస్తున్నాడంటే.. లేదు లేదు నా కొడుకు బాగా చేస్తున్నాడు’ అని ఇద్దరు సరదాగా గొడవ పడేవారట.

ఈ విషయాన్ని రామ్‌చరణ్‌ చెప్పాడు. సినిమాను ఏప్రిల్‌ 29న విడుదల చేస్తున్న విషయం తెలిసిందే. ఈ నెల 23న దీనికి సంబంధించిన ప్రీ రిలీజ్‌ ఈవెంట్‌ నిర్వహించాలని నిర్ణయించినట్లు సమాచారం. హైదరాబాద్‌లోని యూసుఫ్‌గూడ పోలీసు గ్రౌండ్స్‌లో నిర్వహిస్తారని టాక్‌. పవన్‌ కల్యాణ్‌, రాజమౌళి ఈ ఈవెంట్‌కు ముఖ్య అతిథులుగా హాజరవుతారట.