కన్నడ స్టార్ హీరోలలో ఒకరైన యశ్ నటించిన కేజీఎఫ్ ఛాప్టర్2 సంచలన విజయాన్ని సొంతం చేసుకుందనే సంగతి తెలిసిందే. సెకండ్ వీకెండ్ లో కూడా ఈ సినిమాకు బుకింగ్స్ ఆశాజనకంగా ఉన్నాయని సమాచారం అందుతోంది. తాజాగా అల్లు అర్జున్ కేజీఎఫ్2 సినిమా గురించి, యశ్ నటన గురించి ప్రశంసించిన సంగతి తెలిసిందే. మెగా పవర్ స్టార్ చరణ్ కూడా కేజీఎఫ్2 సినిమా గురించి ఆసక్తికర కామెంట్లు చేశారు.
కేజీఎఫ్2 చిత్రయూనిట్ కు అభినందనలు తెలిపిన రామ్ చరణ్ యశ్ రాఖీ భాయ్ పాత్రలో అద్భుతంగా నటించాడని కామెంట్లు చేశారు. యశ్ నటనను చూసి అతనిని మెచ్చుకోలేకుండా ఉండలేకపోతున్నానని చరణ్ వెల్లడించారు. సినిమాలో రావు రమేష్ నటన అత్యద్భుతంగా ఉందని చరణ్ కామెంట్లు చేశారు. కేజీఎఫ్2 సినిమా కొరకు పని చేసిన టెక్నీషియన్లకు అభినందనలు తెలుపుతున్నానని చరణ్ వెల్లడించారు.
చరణ్ ఇన్ స్టాగ్రామ్ ద్వారా పోస్ట్ చేయగా అందులో మై డియర్ బ్రదర్ అంటూ చరణ్ యశ్ ను సంభోధించారు. సంజయ్ దత్, రవీనా టాండన్, ప్రకాష్ రాజ్ కూడా ఈ సినిమాకు తమ బెస్ట్ వర్క్ ను ఇచ్చారని చరణ్ కామెంట్లు చేశారు. అర్చన జోయిన్, శ్రీనిధి శెట్టి నటన ఫెంటాస్టిక్ గా ఉందని చరణ్ చెప్పుకొచ్చారు. చరణ్ పోస్ట్ తో కేజీఎఫ్2 కలెక్షన్లు మరింత పుంజుకునే అవకాశాలు అయితే ఉంటాయని చెప్పవచ్చు.
ప్రశాంత్ నీల్ డైరెక్షన్ లో ఒక సినిమాలో నటించాలని ఆశ పడుతున్న హీరోలలో రామ్ చరణ్ కూడా ఉన్నారు. అయితే చరణ్ హీరోగా ప్రశాంత్ నీల్ డైరెక్షన్ లో సినిమా ఎప్పుడు తెరకెక్కుతుందో చూడాల్సి ఉంది. చరణ్ పోస్ట్ కు రికార్డు స్థాయిలో లైక్స్ వస్తున్నాయి. చరణ్ ప్రస్తుతం ఆచార్య ప్రమోషన్స్ తో బిజీగా ఉన్నారు. ఆచార్యతో భారీ బ్లాక్ బస్టర్ హిట్ ను అందుకుంటానని చరణ్ బలంగా విశ్వసిస్తున్నారు.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
తెలుగులో అత్యధిక థియేట్రికల్ బిజినెస్ చేసిన సినిమాల లిస్ట్..!
‘ఆర్.ఆర్.ఆర్’ తో పాటు బాక్సాఫీస్ వద్ద భారీ లాభాలను అందించిన 10 సినిమాల లిస్ట్..!
