RC15: ఓవర్సీస్ లో చరణ్ శంకర్ కాంబో మూవీకి ఇంత క్రేజా?

September 15, 2022 / 01:28 PM ISTByFilmy Focus

Join Us

RC15: ఓవర్సీస్ లో చరణ్ శంకర్ కాంబో మూవీకి ఇంత క్రేజా?

చరణ్ శంకర్ కాంబినేషన్ లో అత్యంత భారీ బడ్జెట్ తో ఒక సినిమా తెరకెక్కుతుండగా ఈ సినిమాతో శంకర్ కు పూర్వ వైభవం దక్కుతుందని చాలామంది అభిమానులు భావిస్తున్నారు. దిల్ రాజు నిర్మాతగా తెరకెక్కుతున్న ఈ సినిమా 300 కోట్ల రూపాయలకు పైగా బడ్జెట్ తో తెరకెక్కుతుండగా ఈ సినిమాకు రికార్డు స్థాయిలో బిజినెస్ ఆఫర్లు వస్తున్నాయి. చరణ్ శంకర్ కాంబో మూవీ తెలుగు, తమిళంతో పాటు ఇతర ప్రధాన భాషల్లో తెరకెక్కుతున్న సంగతి తెలిసిందే.

అయితే చరణ్ శంకర్ కాంబో మూవీ ఓవర్సీస్ హక్కులు భారీ మొత్తానికి అమ్ముడయ్యాయని ఇండస్ట్రీ వర్గాల్లో జోరుగా వినిపిస్తుండటం గమనార్హం. ఈ సినిమా అన్ని భాషల హక్కులు ఓవర్సీస్ లో ఏకంగా 5 మిలియన్ డాలర్లకు ప్రముఖ సంస్థ కొనుగోలు చేసినట్టు బోగట్టా. ఈ డీల్ గురించి తెలిసి షాకవ్వడం నెటిజన్ల వంతవుతోంది. ఓవర్సీస్ లో చరణ్ శంకర్ మూవీకి ఇంత క్రేజా అని నెటిజన్లు కామెంట్లు చేస్తున్నారు. రికార్డ్ స్థాయి బిజినెస్ ఆఫర్లతో చరణ్ శంకర్ కాంబో మూవీ వార్తల్లో నిలుస్తుండటంతో ఫ్యాన్స్ ఎంతగానో సంతోషిస్తున్నారు.

థమన్ సంగీతం అందిస్తున్న ఈ సినిమాపై అంచనాలు అంతకంతకూ పెరుగుతుండటం గమనార్హం. వచ్చే ఏడాది సమ్మర్ కానుకగా ఈ సినిమా రిలీజ్ కానుండగా ఇప్పటికే మెజారిటీ సన్నివేశాల షూటింగ్ పూర్తైందని తెలుస్తోంది. చరణ్ కు జోడీగా ఈ సినిమాలో కియారా అద్వానీ నటిస్తున్న సంగతి తెలిసిందే.

చరణ్ స్థాయిని మరింత పెంచే విధంగా ఈ సినిమా ఉంటుందని ఫ్యాన్స్ భావిస్తున్నారు. చరణ్ ఈ సినిమాలో డ్యూయల్ రోల్ లో నటిస్తున్నారని వార్తలు ప్రచారంలోకి వస్తున్నాయి. ఈ సినిమా నుంచి టీజర్ రిలీజైతే మాత్రమే వైరల్ అవుతున్న వార్తల్లో నిజానిజాలు తెలిసే అవకాశాలు అయితే ఉంటాయని చెప్పవచ్చు. సినిమాసినిమాకు చరణ్ రేంజ్ అంతకంతకూ పెరుగుతున్న సంగతి తెలిసిందే.