దిల్ రాజు నిర్మాతగా శంకర్ చరణ్ కాంబినేషన్ సినిమా ప్రకటన వెలువడిన రోజున చరణ్ ఫ్యాన్స్ ఆనందానికి అవధులు లేకుండా పోయాయి. ఆర్ఆర్ఆర్ సినిమా తర్వాత పాన్ ఇండియా డైరెక్టర్ శంకర్ డైరెక్షన్ లో నటిస్తే చరణ్ రేంజ్ కూడా పెరుగుతుందని ఫ్యాన్స్ భావించారు. కానీ శంకర్ మధ్యలో వదిలేసిన ఇండియన్ 2 సినిమా వల్ల చరణ్ సినిమాకు ఇబ్బందులు ఎదురవుతున్నాయి. లైకా అధినేతలు శంకర్ కు ఎన్నో ఇబ్బందులను సృష్టిస్తున్నారు.
భారతీయుడు 2 సినిమా పూర్తయ్యే వరకు శంకర్ మరో సినిమాకు దర్శకత్వం వహించకుండా చర్యలు చేపడుతున్నారు. ప్రస్తుత పరిస్థితుల్లో చరణ్ శంకర్ ప్రాజెక్ట్ మొదలు కావడం అంత తేలిక కాదు. శంకర్ ను మాత్రమే నమ్ముకుంటే చరణ్ నష్టపోయినట్లేనని ఇండస్ట్రీ వర్గాల్లో కామెంట్లు వినిపిస్తున్నాయి. మరోవైపు ఆర్ఆర్ఆర్ సినిమాలో హీరోగా నటిస్తున్న ఎన్టీఆర్ మాత్రం భవిష్యత్తు సినిమాలను చక్కగా ప్లాన్ చేసుకున్నారు. వేర్వేరు కారణాల వల్ల త్రివిక్రమ్ సినిమా క్యాన్సిల్ కావడంతో ఎన్టీఆర్ తన తరువాత సినిమా కొరటాల శివ డైరెక్షన్ లో తెరకెక్కుతున్నట్టు ప్రకటించారు.
ఈ సినిమా తరువాత ప్రశాంత్ నీల్ దర్శకత్వంలో తారక్ నటించనున్నారు. శంకర్ ప్రాజెక్ట్ ఆలస్యమైతే చరణ్ కొన్ని నెలలు ఇంటికే పరిమితం కావాల్సి వస్తుంది. ఆర్ఆర్ఆర్ షూటింగ్ 80 శాతం పూర్తి కాగా కరోనా కేసులు తగ్గితే షూటింగ్ ను పూర్తి చేయాలని రాజమౌళి భావిస్తున్నారు. చరణ్ మరో స్టార్ డైరెక్టర్ కు గ్రీన్ సిగ్నల్ ఇస్తే బాగుంటుందని ఫ్యాన్స్ అభిప్రాయం వ్యక్తం చేస్తుండగా చరణ్ ఏ విధంగా ముందుకెళతారో చూడాల్సి ఉంది.
Most Recommended Video
థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
