చరణ్, సుకుమార్ చిత్రానికి ఇంట్రెస్టింగ్ టైటిల్

మెగా పవర్ స్టార్ రామ్ చరణ్ తేజ్  ధృవ తర్వాత చేస్తున్న సినిమా పనుల్లో వేగం పుంజుకుంది. సుకుమార్ దర్శకత్వంలో తెరకెక్కుతున్న ఈ చిత్రానికి షూటింగ్ లొకేషన్ కోసం చిత్ర బృందం కేరళకు వెళ్లింది. చెర్రీ చెవిటి వాడిగా నటిస్తున్న ఈ మూవీకి తాజాగా టైటిల్ ని ఫిక్స్ చేశారు. “మొగల్తూరు మొనగాడు” అనే పేరుని ఖరారు చేసినట్లు తెలిసింది. పక్కా గ్రామీణ నేపథ్యంలో సాగే ఈ కథలో చెర్రీ పల్లెటూరి కుర్రోడిగా కనిపించనున్నారు. అందుకే మొదట పల్లెటూరి మొనగాడు అనే పేరుని పరిశీలించారు.

తర్వాత మెగాస్టార్ పుట్టి పెరిగిన మొగల్తూరు ఊరి పేరుని జోడిస్తే మరింత బాగుంటుందని ఈ నిర్ణయం తీసుకున్నారు. మైత్రీ మూవీ మేకర్స్ వారు నిర్మిస్తోన్న ఈ సినిమాలో చెర్రీ సరసన టాలీవుడ్ క్రేజీ బ్యూటీ సమంత కథానాయికగా నటిస్తోంది. వచ్చే నెల నుంచి రెగ్యులర్ షూటింగ్ జరుపుకోనున్న ఈ మూవీకి రాక్ స్టార్ దేవీ శ్రీ ప్రసాద్ సంగీతమందించనున్నారు. రత్నవేలు సినిమాటోగ్రాఫర్ గా పనిచేస్తున్న ఈ చిత్రం కనులవిందుగా ఉండబోతోంది.

Also, do SUBSCRIBE to our YouTube channel to get latest Tollywood updates.