రామ్ చరణ్ మూవీ షూటింగ్ మొదలు ఎప్పుడంటే ?

మెగా పవర్ స్టార్ రామ్ చరణ్ తేజ్ అటు హీరోగా, ఇటు నిర్మాతగా విజయాలను అందుకొని చాలా ఉత్సాహంగా ఉన్నారు. ధృవ తర్వాత సుకుమార్ దర్శకత్వంలో చెర్రీ సినిమా చేస్తున్న సంగతి తెలిసిందే. మైత్రీ మూవీస్ వారు నిర్మిస్తున్న ఈ మూవీ జనవరి 30 న పూజా కార్యక్రమాలు జరుపుకుంది. ఫిబ్రవరి 15 నుంచి రెగ్యులర్ షూటింగ్ కి వెళ్లాలని చిత్ర బృందం మొదట భావించింది. అయితే లొకేషన్ విషయంలో ఇబ్బందులు తలెత్తి వాయిదా పడింది. మొత్తానికి అన్ని సమస్యలు తీరిపోయి రెగ్యులర్ షూటింగ్ కి టీమ్ సిద్ధమైంది.

తమిళనాడు పొల్లాచి లోనే చిత్రీకరణ చేయడానికి సుకుమార్ ఫిక్స్ అయ్యారు. ఈనెల 15 న తొలి షెడ్యూల్ మొదలవుతుందని చిత్ర బృందం వెల్లడించింది. పూర్తిగా పల్లెటూరి నేపథ్యంలో సాగే ఈ చిత్రానికి మొగల్తూరు మొనగాడు అనే టైటిల్  పెట్టారు. ఈ మూవీలో చరణ్ సరసన సమంత హీరోయిన్ గా నటిస్తోంది. జగపతిబాబు కీలక పాత్ర పోషిస్తున్న ఇందులో ఆది పినిశెట్టి విలన్ గా నటిస్తున్నారు. అరుదైన కలయికలో వస్తున్న ఈ చిత్రంపై అభిమానుల్లో అంచనాలు భారీ స్థాయిలో ఉన్నాయి.

Also, do SUBSCRIBE to our YouTube channel to get latest Tollywood updates.