Ram Charan, Shankar: చరణ్ ప్లాన్ అదుర్స్ అంటున్న ఫ్యాన్స్!

మెగాపవర్ స్టార్ రామ్ చరణ్ , కోలీవుడ్ డైరెక్టర్ శంకర్ కాంబినేషన్ లో ఒక సినిమా తెరకెక్కనున్న సంగతి తెలిసిందే. తెలుగు, తమిళం, హిందీ భాషల్లో పాన్ ఇండియా మూవీగా ఈ సినిమా తెరకెక్కనుండగా ఈ సినిమాపై భారీస్థాయిలో అంచనాలు ఏర్పడ్డాయి. దిల్ రాజు అత్యంత భారీ బడ్జెట్ తో ఈ సినిమాను నిర్మించనుండగా సెప్టెంబర్ 13వ తేదీన ఈ సినిమా పూజా కార్యక్రమాలు జరగనున్నాయని తెలుస్తోంది. కరోనా నిబంధనలను పాటిస్తూ పూజా కార్యక్రమాలను నిర్వహించనున్నారని సమాచారం.

టాలీవుడ్ సినీ ప్రముఖులతో పాటు కోలీవుడ్ సినీ ప్రముఖులు కూడా ఈ వేడుకకు హాజరు కానున్నారు. బాలీవుడ్ మీడియా కూడా పూజా కార్యక్రమాలను కవర్ చేసేలా శంకర్ ప్లాన్ చేస్తున్నారని తెలుస్తోంది. కనీవిని ఎరుగని రీతిలో ఈ కార్యక్రమం జరగబోతుందని వస్తున్న వార్తలతో చరణ్ ఫ్యాన్స్ సంతోషిస్తుండటం గమనార్హం. వచ్చే నెల నుంచి ఈ సినిమా రెగ్యులర్ షూట్ జరగనుందని తెలుస్తోంది. థమన్ ఈ సినిమాకు మ్యూజిక్ అందించనుండగా కియారా అద్వానీ ఈ సినిమాలో హీరోయిన్ గా ఎంపికయ్యారు.

థమన్ ఇప్పటికే ఈ సినిమా మ్యూజిక్ పనులు మొదలుపెట్టారు. అయితే ఓపెనింగ్ డేట్ కు సంబంధించి అధికారక ప్రకటన రావాల్సి ఉంది. ఇప్పటికే శంకర్ అసిస్టెంట్స్ ఈ సినిమా ప్రీ ప్రొడక్షన్ పనులతో బిజీగా ఉన్నారు. ఆర్ఆర్ఆర్ తర్వాత చరణ్ నటిస్తున్న సినిమా కావడంతో ఈ సినిమాపై భారీగా అంచనాలు ఏర్పడ్డాయి. సోలో హీరోగా చరణ్ కెరీర్ లో హైయెస్ట్ బడ్జెట్ సినిమా ఇదే కావడం గమనార్హం. పూజా కార్యక్రమాలతోనే అంచనాలు పెంచేలా చరణ్ జాగ్రత్తలు తీసుకుంటూ అదుర్స్ అనిపించుకుంటున్నారు.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!