హోమ్ క్వారంటైన్ లో మెగాపవర్ స్టార్!

కరోనా వ్యాక్సిన్ వచ్చేసిందని అందరూ సంతోషం వ్యక్తం చేస్తున్నారు. అయితే.. కరోనా మాత్రం తన ప్రతాపాన్ని చూపుతూనే ఉంది. ముఖ్యంగా సెలబ్రిటీలు ఎవరో ఒకరు కరోనా బారిన పడుతూనే ఉన్నారు. తాజాగా ఈ లిస్ట్ లో చేరాడు రామ్ చరణ్. తనకు ఎలాంటి సింప్టమ్స్ లేకపోయినా.. కరోనా పాజిటివ్ వచ్చిందని, వెంటనే తనను గత కొన్ని రోజులుగా కలిసివాళ్ళందరూ టెస్ట్ చేయించుకోవాలని, తాను త్వరలోనే కోలుకుంటానని చెప్పుకొచ్చాడు చరణ్. ఇదివరకు చిరంజీవి కూడా ఇదే విధంగా కరోనా పాజిటివ్ అని సోషల్ మీడియా పోస్ట్ పెట్టి, ఒక రెండు రోజుల తర్వాత అది తప్పుడు రిజల్ట్ అని వివరణ ఇచ్చిన విషయం తెలిసిందే.

చిరంజీవి 60 ఏళ్ళు పైబడిన హీరో కావడంతో అభిమానులు కాస్త కంగారుపడ్డారు. ఇప్పుడు చరణ్ విషయంలో అంత టెన్షన్ లేదు. పైగా చరణ్ కు వ్యాధి లక్షణాలు లేవు కాబట్టి.. త్వరలోనే చరణ్ మళ్ళీ కోలుకొని షూటింగ్ కి రిటర్న్ అవ్వడం ఖాయం. అయితే.. చరణ్ పాజిటివ్ టెస్ట్ అవ్వడం అనేది “ఆర్ ఆర్ ఆర్” లేదా “ఆచార్య” సినిమాల మీద ఏదైనా ప్రభావం చూపుతుందా? అనేది తెలియాల్సి ఉంది.

ఇకపోతే.. గత వారంరోజుల్లో చరణ్ చాలామంది కుటుంబ సభ్యులను కలిసాడు. మరి వాళ్లెవరికైనా ఈ వైరస్ సోకిందా అనే కంగారు కూడా అభిమానుల్లో ఉంది.

Most Recommended Video

2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!