Ram Charan, Shankar: విషయం త్వరగా తేల్చేద్దాం అంటున్న చరణ్‌.

July 5, 2021 / 11:18 AM ISTByFilmy Focus

Join Us

Ram Charan, Shankar: విషయం త్వరగా తేల్చేద్దాం అంటున్న చరణ్‌.

దిల్‌ రాజు నిర్మాణంలో 50వ సినిమాగా శంకర్‌ – రామ్‌చరణ్‌ కాంబోను అనౌన్స్‌ చేశారు. దీంతో ఆశ్చర్యపోవడం అందరి వంతైంది. తెలుగులో ఇలాంటి కాంబో ఒకటి వస్తుందని చాలామంది ఊహించకపోవడమే కారణం. అయితే ఆ మజా ఆస్వాదిస్తున్నలోపే శంకర్ చుట్టూ న్యాయవివాదాలు చుట్టుముట్టాయి. దీంతో ఈ సినిమా గురించి సరైన అప్‌డేట్‌ రాలేదు. అయితే ఈ సినిమా విషయాన్ని తేల్చేయాలని రామ్‌చరణ్‌ భావిస్తున్నాడట. లాక్‌డౌన్‌ కారణంగా ఈ క్రేజీ ప్రాజెక్టు గురించి చరణ్‌ – శంకర్‌ – దిల్‌ రాజు గత కొన్ని రోజులుగా ఆన్‌లైన్‌ చర్యలు, ఫోన్ కాల్స్‌ మాట్లాడటం లాంటివి జరుగుతున్నాయట.

దీంతో ఎక్కడో చిన్న వెలితి అట. ఎదురెదురుగా కూర్చుని మాట్లాడుకుంటే చాలా విషయాలు సింపుల్‌గా తేలిపోతాయి. దీంతో చరణ్‌ త్వరలో చెన్నై వెళ్లి శంకర్‌తో మాట్లాడుకొని సినిమాకు సంబంధించి మరిన్ని వివరాలు ఫైనల్‌ చేసుకుంటాడని టాక్‌. ఈ సమయంలో దిల్‌ రాజు కూడా అక్కడే ఉంటారని ప్రత్యేకంగా చెప్పక్కర్లేదు. శంకర్‌ గతంలో చెప్పిన మాటలు, వస్తున్న కొన్ని లీకుల ప్రకారం సినిమా మీద చాలా వార్తలొచ్చాయి. ఇది సైంటిఫిక్‌ థ్రిల్లర్‌ అని కొంతమంది,

కాదు పొలిటికల్‌ డ్రామా అని ఇంకొంతమంది అంటున్నారు. అలాగే ఇందులో కథానాయికగా కియారా అడ్వాణీ నటిస్తోందని వార్తలొచ్చాయి. అనిరుథ్‌ కానీ, తమన్‌ కానీ సంగీతం ఇస్తారని టాక్‌. ఈ పుకార్లన్నింటికీ ఈ క్రమంలో ఫుల్‌ క్లారిటీ వచ్చేస్తుందని అంటున్నారు.