‌’ఆర్.ఆర్.ఆర్’ తరువాతి ప్రాజెక్టు విషయంలో చరణ్ డెసిషన్ అదే..!

ప్రస్తుతం రాజమౌళి డైరెక్షన్లో ‘ఆర్‌.ఆర్‌.ఆర్‌’ చిత్రం చేస్తున్న చరణ్.. ఆ త‌ర‌వాత ఏ డైరెక్టర్ తో సినిమా చేస్తాడు అనే విషయం పై ఇంకా క్లారిటీ ఇవ్వలేదు.ఇప్పటికే చాలా మంది దర్శకులు చరణ్ ను కలిసి కథలు వినిపించారు. కానీ అతను ఇంకా ఏ డెసిషన్ తీసుకోలేదు. దానికి ఓ కారణం కూడా ఉంది. ఓ రకంగా చరణ్ ఇప్పుడు చేస్తుంది ఇంటర్నేషనల్ ప్రాజెక్టు లాంటిది. ‘బాహుబలికి’ దర్శకుడు తెరకెక్కిస్తున్న ‘ఆర్.ఆర్.ఆర్’ చిత్రం కోసం దేశ విదేశాల్లోని అభిమానులు ఎంతో ఆసక్తిగా ఎదురుచూస్తున్నారు.కాబట్టి చరణ్ మార్కెట్ కచ్చితంగా డబుల్ అయ్యే అవకాశం ఉంటుంది.

దాని తరువాత చరణ్ నటించే సినిమా పై కూడా చాలా అంచనాలు ఉంటాయి. కాబట్టి.. ఆచి తూచి అడుగు వెయ్యాలి. రాజమౌళి తో సినిమా చేసిన ఏ హీరోకి అయినా తరువాత సినిమా ప్లాప్ పడుతుంది. ఈ నేపథ్యంలో ఫలితంతో సంబంధం లేకుండా ఓ మంచి సినిమా చెయ్యాలని చరణ్ భావిస్తున్నాడు. కమర్షియల్ సినిమా చేస్తే కనుక అంచనాలను ఎలాగు మ్యాచ్ అవ్వదు. పైగా ‘వినయ విధేయ రామ’ చిత్రం లాంటి అనుభవం ఉండనే ఉంది. అందుకే ‘మగధీర’ స్ట్రాటజీనే చరణ్ అప్లై చేయనున్నాడని తెలుస్తుంది. ‘మగధీర’ వంటి ఇండస్ట్రీ హిట్ అందుకున్న తరువాత.. ‘ఆరెంజ్’ అనే లవ్ స్టోరీని చేసాడు చరణ్.

ఆ సినిమా ఫలితం తేడా కొట్టినా.. చరణ్ డెసిషన్ మంచిదే అని ప్రేక్షకులు మెచ్చుకున్నారు. ఆ సినిమాకి చాలా మంది అభిమానులు కూడా ఉన్నారు. దాంతో ఇప్పుడు కూడా చరణ్ ‘ఆర్.ఆర్.ఆర్’ తరువాత ‘జెర్సీ’ దర్శకుడితో ఓ డిఫరెంట్ మూవీ చెయ్యాలని డిసైడ్ అయ్యాడట. ఈలోపు గౌతమ్ తిన్ననూరి కనుక ‘జెర్సీ’ హిందీ రీమేక్ తో బాలీవుడ్ లో కనుక హిట్ కొడితే.. చరణ్ తో గౌతమ్ చెయ్యబోయే ప్రాజెక్టు పై మంచి హైప్ ఏర్పడే అవకాశాలు పుష్కలంగా ఉన్నాయి.

Most Recommended Video

వామ్మో.. సుమంత్ ఇన్ని హిట్ సినిమాలను మిస్ చేసుకున్నాడా..!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
ఈ 10 మంది బుల్లితెర సెలబ్రిటీలు 30 ఏళ్ళ వయసొచ్చినా పెళ్లి చేసుకోలేదట..!