సాయి ధరమ్ తేజ్ కి పుట్టినరోజు శుభాకాంక్షలు చెప్పిన రామ్ చరణ్

మెగా కుటుంబంలో పది మంది హీరోలు మాత్రమే కాదు.. ఒక హీరోయిన్ కూడా ఉంది. వీరందరూ షూటింగ్స్ తో బిజీగా ఉన్నప్పటికీ పండుగ సమయాల్లో కలిసి సందడి చేస్తుంటారు. గ్రూప్ ఫోటోలు తీసుకొని అభిమానులకు గిఫ్ట్ గా ఇస్తుంటారు. ఈరోజు కూడా పండుగలాంటిదే. మెగా హీరోల్లోఒకడైన సాయిధరమ్ తేజ్ పుట్టినరోజు ఈరోజు. అయితే రామ్ చరణ్ తేజ్ హైదరాబాద్ లో లేరు. బోయపాటి సినిమా షూటింగ్ నిమిత్తం విదేశాల్లో ఉన్నారు. అయినప్పటికీ సోషల్ మీడియా వేదికపై శుభాకాంక్షలు చెప్పారు. “తేజు భాయ్ సాయి ధరమ్ తేజ్… విష్ యు ఎ వెరీ వెరీ హ్యాపీ బర్త్ డే. భగవంతుడు నీకు జీవితంలో చాలా ప్రేమతో పాటు సక్సెస్, ప్రశాంతత ఉండేలా చూడాలని కోరుకుంటున్నా” అంటూ ట్వీట్ చేశారు. అంతేకాదు ఓ అరుదైన ఫోటోని షేర్ చేసుకున్నారు.

రంగస్థలం సినిమా షూటింగ్ సమయంలో తీసుకున్న ఈ ఫొటోలో మెగా హీరోలతో పాటు నిహారిక కూడా ఉంది. రామ్ చరణ్ చేసిన ట్వీట్ ని ఉపాసన రీ ట్వీట్ చేశారు. విషెష్ చెప్పారు. మెగా హీరోలను ఒకే ఫ్రేమ్‌లో చూసిన అభిమానులు సంతోషం వ్యక్తం చేయడంతోపాటు సాయి ధరమ్‌కు విషెస్ చెబుతూ ట్వీట్స్ చేస్తున్నారు. సాయి ధరమ్ తేజ్ చేసిన తిక్క, విన్నర్, నక్షత్రం, జవాన్, ఇంటిలిజెంట్, తేజ్.. ఐలవ్ యూ… ఇలా వరుసగా సినిమాలన్నీ అపజయం పాలయ్యాయి. ఈ ఏడాది అయినా సాయి ధరమ్ తేజ్ హిట్ ట్రాక్ లోకి రావాలని ఫ్యాన్స్ కోరుకుంటున్నారు.