దిల్ రాజ్ నిర్మాణంలో మరో సినిమా చేయనున్న రామ్ చరణ్ తేజ్

ప్రముఖ నిర్మాత దిల్ రాజు నిర్మాణంలో రామ్ చరణ్ తేజ్ ఎవడు సినిమా చేశారు. మళ్లీ మూడేళ్ళకి మరో సినిమా చేయబోతున్నారు. ప్రస్తుతం చెర్రీ సుకుమార్ దర్శకత్వంలో ఓ ప్రాజక్ట్ చేస్తున్నారు. సమంత హీరోయిన్ గా నటిస్తున్న ఈ చిత్రం రెండో షెడ్యూల్ సోమవారం హైదరాబాద్ లో మొదలయింది. ఈ సినిమా షూటింగ్ దశలో ఉండగానే చరణ్ మరో స్టోరీకి ఒకే చెప్పారని తెలిసింది. దిల్ రాజు ప్రస్తుతం మెగా ప్రిన్స్ వరుణ్ తేజ్ తో ఫిదా మూవీని నిర్మిస్తున్నారు. దీనితో పాటు అల్లు అర్జున్ తో దువ్వాడ జగన్నాథం సినిమాని నిర్మిస్తున్నారు. వేగంగా షూటింగ్ జరుపుకుంటున్న ఈ రెండు సినిమాలు త్వరలో రిలీజ్ కానున్నాయి.

వీటి తర్వాత రామ్ చరణ్ తో పవర్ ఫుల్ యాక్షన్ ఎంటర్ టైనర్‌ను తెరకెక్కించడానికి రెడీ అవుతున్నారు. రెండు రోజుల క్రితం చరణ్ కి కథను వినిపించగా.. అయన బాగా ఇంప్రెస్స్ అయ్యారని తెలిసింది. ఈ మూవీతో తన  అసిస్టెంట్ డైరక్టర్ టీమ్ లో ఉన్న ఒకరిని డైరక్టర్ గా పరిచయం చేయాలనీ దిల్ రాజు భావిస్తున్నట్లు తెలిసింది. ఈ సినిమా గురించి అధికారిక ప్రకటన త్వరలో రానుంది.

Also, do SUBSCRIBE to our YouTube channel to get latest Tollywood updates.