RC16: కొత్త సినిమా ఓకే చేసిన చరణ్.. డైరెక్టర్ ఎవరంటే..

September 9, 2022 / 05:31 PM ISTByFilmy Focus

Join Us

RC16: కొత్త సినిమా ఓకే చేసిన చరణ్.. డైరెక్టర్ ఎవరంటే..

మెగాపవర్ స్టార్ రామ్ చరణ్ ‘ఆర్ఆర్ఆర్’ సినిమాతో భారీ విజయాన్ని తన ఖాతాలో వేసుకున్నారు. ఈ సినిమాతో చరణ్ రేంజ్ ఎంతగా పెరిగిందో తెలిసిందే. ప్రస్తుతం ఈ హీరో.. శంకర్ దర్శకత్వంలో ఓ సినిమా చేస్తున్నారు. చరణ్ కెరీర్ లో తెరకెక్కుతోన్న 15వ సినిమా ఇది. ఈ సినిమా తరువాత గౌతమ్ తిన్ననూరితో చరణ్ సినిమా చేయాలనుకున్నారు. కానీ ఈ ప్రాజెక్ట్ క్యాన్సిల్ అయిందని సమాచారం. గౌతమ్ ఇచ్చిన ఫైనల్ నేరేషన్ సంతృప్తిగా అనిపించకపోవడంతో ప్రాజెక్ట్ క్యాన్సిల్ చేశారు.

ఇప్పుడు గౌతమ్ కి బదులుగా మరో దర్శకుడిని రంగంలోకి దింపుతున్నారు. కొన్ని నెలలుగా రామ్ చరణ్ ని కలిసి కథలు వినిపిస్తున్నారు దర్శకులు. ఈ క్రమంలో కన్నడ దర్శకుడు నర్తన్ చెప్పిన కథ రామ్ చరణ్ కి నచ్చింది. కన్నడలో ‘మఫ్తి’అనే సినిమాతో నర్తన్ బాగా ఫేమస్ అయ్యారు. చాలా రోజులుగా ఆయన రామ్ చరణ్ కి టచ్ లో ఉంటున్నారు. వారం రోజుల క్రితం రామ్ చరణ్ గ్రీన్ సిగ్నల్ ఇచ్చారట. నిన్ననే మెగాస్టార్ చిరంజీవిని కలిసి కథ వినిపించారట నర్తన్.

మెగాస్టార్ కి కూడా కథ విపరీతంగా నచ్చడంతో ఓకే చెప్పారట. త్వరలోనే ఈ ప్రాజెక్ట్ కి సంబంధించిన అఫీషియల్ అనౌన్స్మెంట్ రాబోతుంది. యూవీ క్రియేషన్స్ సంస్థ ఈ సినిమాను నిర్మించనుంది. త్వరలోనే ఈ ప్రాజెక్ట్ ను మొదలుపెట్టే అవకాశాలు ఉన్నాయి. ఇక ‘RC15’ సినిమా విషయానికొస్తే.. ఇందులో చరణ్ ప్రభుత్వ అధికారిగా కనిపించనున్నారు.

సినిమాలో చరణ్ రెండు వేరియేషన్స్ ఉన్న క్యారెక్టర్ లో కనిపించనున్నారు. ఈ సినిమాలో తమిళ నటుడు ఎస్ జె సూర్య విలన్ పాత్ర పోషించనున్నారు. అలానే అంజలి, సునీల్, శ్రీకాంత్ లాంటి నటులు కీలకపాత్రలు పోషిస్తున్నారు.