టాలీవుడ్ స్టార్ హీరో రామ్ చరణ్ నటించిన ‘ధృవ’ సినిమా ఎంత పెద్ద హిట్ అయిందో తెలిసిందే. రామ్ కెరీర్ లో ఇదొక బెస్ట్ ఫిలింగా నిలిచిపోయింది. మోహన్ రాజా తెరకెక్కించిన తమిళ సినిమా ‘తని ఒరువన్’కి ఇది రీమేక్. స్టైలిష్ యాక్షన్ ఎంటెర్టైనర్ గా తెరకెక్కిన ఈ సినిమాకి ఇప్పుడు సీక్వెల్ ప్లాన్ చేస్తున్నారట. దర్శకుడు మోహన్ రాజా రూపొందించిన ‘గాడ్ ఫాదర్’ సినిమా దసరా కానుకగా ప్రేక్షకుల ముందుకొచ్చింది.
ఈ సినిమాకి ప్రేక్షకుల నుంచి మంచి రెస్పాన్స్ వస్తోంది. ఈ సినిమాను నిర్మించిన ఎన్వీ ప్రసాద్ ఇప్పుడు మోహన్ రాజాతో మరో సినిమా ప్లాన్ చేస్తున్నారు. అదే ‘ధృవ’ సీక్వెల్. ఈ విషయాన్ని ఎన్వీ ప్రసాద్ స్వయంగా వెల్లడించారు. రీసెంట్ గా మీడియాతో మాట్లాడిన ఆయన.. ప్రస్తుతం ‘ధృవ’ సీక్వెల్ ప్లాన్ చేస్తున్నామని.. మోహన్ రాజా కథను సిద్ధం చేస్తున్నారని చెప్పారు. త్వరలోనే దీనికి సంబంధించిన అఫీషియల్ అనౌన్సమెంట్ వస్తుందని అన్నారు.
పాన్ ఇండియా లెవెల్ లో ఈ సినిమాను తెరకెక్కించాలనుకుంటున్నారు. అయితే రామ్ చరణ్ కథను ఫైనల్ చేయాల్సివుంది. ఆయన గనుక గ్రీన్ సిగ్నల్ ఇస్తే ప్రాజెక్ట్ సెట్ అయినట్లే. ప్రస్తుతం చరణ్.. శంకర్ దర్శకత్వంలో ఓ సినిమా చేస్తున్నారు. దీని తరువాత కన్నడ దర్శకుడు నర్తన్ తో మరో సినిమా చేసే ఛాన్స్ ఉంది.
ఇప్పుడు మోహన్ రాజా కథ గనుక నచ్చితే కచ్చితంగా ‘ధృవ2’ని పట్టాలెక్కిస్తారు. మరోపక్క దర్శకుడు మోహన్ రాజా.. నాగార్జునతో సినిమా చేయాలనుకుంటున్నారు. ఈ ప్రాజెక్ట్ డిస్కషన్ స్టేజ్ లో ఉంది. ఇప్పుడు ‘గాడ్ ఫాదర్’కి హిట్ టాక్ వచ్చింది కాబట్టి నాగార్జున.. మోహన్ రాజాకి ఓకే చెప్పే ఛాన్స్ ఉంది. ఇందులో అఖిల్ కీలకపాత్రలో కనిపిస్తారని టాక్.
Most Recommended Video
నేనే వస్తున్నా సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ ఆరోహి రావ్ గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
Home
