విజయ్ దేవరకొండ క్రేజ్ ని తనవైపు లాగేస్తున్న రామ్ చరణ్

పెళ్లిచూపులు, అర్జున్ రెడ్డి, గీత గోవిందం.. మూడే మూడు సినిమాలతో స్టార్ హీరో క్రేజ్ ని సొంతం చేసుకున్నారు విజయ్ దేవరకొండ. ప్రస్తుతం చేతినిండా సినిమాలతో బిజీగా ఉన్నారు. అలాగే తనకంటూ సొంత బ్రాండ్ ని సృష్టించుకున్నారు. ఆ పేరుతోనే ఫ్యాషన్ ప్రపంచంలోకి మెన్ వేర్స్ అందుబాటులోకి వస్తున్నాయి. ఆ బ్రాండ్ నేమ్ రౌడీ. ఇలా పిలుపించుకోవడానికే విజయ్ దేవరకొండ ఇష్టపడుతున్నారు. ఈ రౌడీ ఇమేజ్ ను ఇప్పుడు మెగా పవర్ స్టార్ రామ్ చరణ్ వాడుకోబోతున్నట్టు తెలిసింది. అవును.. చరణ్ బోయపాటి శ్రీను కాంబినేషన్ లో వస్తున్న సినిమాకు టైటిల్ లో రౌడీ పేరు వచ్చేలా పెట్టాలని ఆలోచిస్తున్నట్టు తెలిసింది. గతంలో చిరంజీవి స్టేట్ రౌడీ పేరుతో వచ్చి కలక్షన్ల వర్షం కురిపించారు. మళ్ళీ ఇన్నిరోజులకి రామ్ చరణ్ స్టేట్ రౌడీ గా రాబోతున్నట్లు చెప్పుకుంటున్నారు.

ఇది చిరంజీవి టైటిలే అయినా ఈ టైంలో టైటిల్ లో రౌడీ అని పెట్టి చరణ్ విజయ్ ఇమేజ్ వాడేస్తున్నారని కొంతమంది చెప్పుకుంటున్నారు. మెగా ఫ్యాన్స్ మాత్రం ఇన్నాళ్లకి తండ్రి టైటిల్ ని వాడుకుంటున్నందుకు ఆనంద పడుతున్నారు. ప్రస్తుతం ఈ సినిమా షూటింగ్ “అజర్ బైజాన్”లో జరుగుతోంది. ఈ షెడ్యూల్ దాదాపు నెలరోజుల పాటు జరగనుంది. అనంతరం హైదరాబాద్ కి రానున్నారు. కైరా అద్వానీ హీరోయిన్ గా నటిస్తున్న ఈ సినిమా సంక్రాంతికి ప్రేక్షకుల ముందుకు రానుంది.