Ram Charan: సంక్రాంతికి రామ్ చరణ్ సినిమా

సంక్రాంతి అనగానే టాలీవుడ్ సినిమా ఇండస్ట్రీలో ఒక ప్రత్యేకమైన సందడి నెలకొంటుంది. గతంలో ఎప్పుడు లేని విధంగా ఈసారి ఎంతకు గ్రాండ్ గా విడుదల కావాల్సిన సినిమాలు వరుసగా వాయిదా పడిన విషయం తెలిసిందే. ఇక ఈ సంక్రాంతికి పూర్తిగా బంగార్రాజు డామినేట్ చేసే అవకాశం ఉన్నట్లు తెలుస్తోంది. నాగార్జున – నాగ చైతన్య కలిసి నటించిన ఆ సినిమాలో రమ్యకృష్ణ – కృతి శెట్టితో పాటు మరికొందరు గ్లామరస్ హీరోయిన్స్ కూడా నటించారు.

ఇది పక్కా సంక్రాంతి సినిమా అని ట్రైలర్ తోనే ఒక క్లారిటీ వచ్చేసింది. అయితే వచ్చే ఏడాది సంక్రాంతికి మాత్రం రామ్ చరణ్ రాబోతున్నట్లు నిర్మాత దిల్ రాజు ఏడాది ముందే క్లారిటీ ఇచ్చేశారు. దేశం మెచ్చిన దర్శకుడు శంకర్ తెరకెక్కిస్తున్న ఆ సినిమాపై అంచనాలు ఏ స్థాయిలో ఉన్నాయో ప్రత్యేకంగా చెప్పనవసరం లేదు. రామ్ చరణ్ 15వ సినిమాగా రాబోతున్న ఈ ప్రాజెక్ట్ కు ఇంకా టైటిల్ ను ఫిక్స్ చేయలేదు. త్వరలోనే ఆ విషయంలో క్లారిటీ ఇవ్వాలని అనుకుంటున్నారు.

ఇక సినిమాలో కీయరా అద్వానీ హీరోయిన్ గా నటిస్తుండగా మరొక ముఖ్యమైన పాత్ర కోసం కోలీవుడ్ హీరోయిన్ అంజలిని తీసుకున్నట్లు సమాచారం. ఇక సినిమాలో రామ్ చరణ్ ఒక ఐపీఎస్ ఆఫీసర్ గా కనిపిస్తాడని అలాగే మరొక మాస్ పాత్రలో రెండు డిఫరెంట్ షేడ్స్ లలో నటించబోతున్నట్లు తెలుస్తోంది. ఈ సినిమాతో ఎలాగైనా దర్శకుడు శంకర్ బాక్సాఫీస్ వద్ద మంచి విజయాన్ని అందుకోవాలని చూస్తున్నాడు. ఎందుకంటే ఆయన గత మూడు సినిమాలు కూడా బాక్సాఫీస్ వద్ద దారుణమైన ఫలితాలను అందుకున్నాయి.

రోబో అనంతరం శంకర్ చేసిన స్నేహితుడు, ఐ, 2 పాయింట్ ఓ సినిమాలు అంచనాలకు తగ్గట్టుగా ఆడలేదు. ఇక ఈసారి రామ్ చరణ్ తో ఎలాగైనా సక్సెస్ అందుకోవాలని చూస్తున్నాడు. ఇక ఈ సినిమాను 2023 సంక్రాంతి సమయానికి ప్రేక్షకుల ముందుకు తీసుకు రావాలని శంకర్ ప్లాన్ చేస్తున్నాడు.

2021.. ఇండస్ట్రీని వివాదాలతో ముంచేసింది!

Most Recommended Video

ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!