Rapo 23: హీరో ప్లాన్‌ అదుర్స్‌.. నెల రోజులు షూటింగ్‌.. ఓకే అనుకుంటేనే సినిమా ముందుకు

సినిమాను తెరకెక్కించడంలో ఒక్కొక్కరిది ఒక్కో స్టైల్‌. అలాగే సినిమా ప్రీపొడక్షన్‌ విషయంలో కూడా ఒక్కొక్కరిది ఒక్కో స్టైల్‌. కొంతమంది బౌండ్‌ స్క్రిప్ట్‌తో రెడీ అయ్యి.. సీన్‌ బై సీన్‌ చేసుకుంటూ పోతారు. మరికొంతమంది సెట్స్‌లోనే డైలాగ్‌లు, సీన్‌ రాస్తుంటారు. ఇంకొందరు షెడ్యూల్‌ – షెడ్యూల్‌ మధ్య గ్యాప్‌లో డెవలప్‌ చేసుకుంటూ వెళ్తారు. ఇంకొంతమంది అయితే సీన్‌ బై సీన్‌ స్కెచ్‌ కానీ, బొమ్మలు కానీ గీయించుకొని ఓ బుక్‌ రెడీ చేసుకుంటారు. దాని ప్రకారం సినిమా చేస్తారు. అయితే తాజాగా డెమో షూట్‌ విధానం గురించి ఇప్పుడు చర్చ జరుగుతోంది.

Rapo 23

దీనికి కారణం ప్రముఖ దర్శకుడు ‘కల్కి’ క్రియేటర్‌ నాగ్‌ అశ్విన్‌ ఇటీవల ఓ ఇంటర్వ్యూలో మాట్లాడుతూ డెమో షూట్‌ వల్ల సినిమాకు కలిగే ఉపయోగం గురించి గొప్పగా చెప్పుకొచ్చారు. మరి ఆ విషయం విన్నాక ఆలోచన వచ్చిందో, లేక ముందుగానే అనుకున్నారో తెలియదు కానీ ఇటీవల దర్శకుడిగా మారిన హీరో రామ్‌ పోతినేని ఇప్పుడు ఈ విధానాన్నే ఫాలో అవుతున్నారట. తాను డైరక్టర్‌గా మారి చేస్తున్న సినిమాలోని ముఖ్యమైన సీన్స్‌ని షూట్‌ చేసి చూసుకొని ఓకే అనుకుంటే అప్పుడు అసలు సినిమా షూటింగ్ ప్రారంభిస్తారట.

ఈ మేరకు షూటింగ్‌ని త్వరలోనే స్టార్ట్‌ చేయాలని రామ్‌ అనుకుంటున్నాడట. అందులో అంతా ఓకే అనుకుంటే.. వెంటనే రెగ్యులర్ షూటింగ్ ప్రారంభిస్తారట. ఈ లోపు కాస్టింగ్‌ పనులు పూర్తి చేయాలి అని ఫిక్స్‌ అయ్యాడట రామ్‌. దర్శకుడిగా తొలి సినిమా కావడం, నిర్మాత కూడా తానే కావడం లాంటి కారణాల వల్ల రామ్‌ ఈ ఆలోచన చేశాడు అని అంటున్నారు. ఎంత జాగ్రత్తో కదా. రామ్‌కి వర్కవుట్‌ అయితే ఇతర దర్శకులు కూడా ఇదే విధానం పాటిస్తారేమో.

ఇదిలా ఉండగా.. ఈ సినిమా కోసం హీరోయిన్ వేట కొనసాగుతూనే ఉంది. తొలుత శ్రీనిధి శెట్టిని అనుకున్నారు. ఇప్పుడు ఆ ప్లేస్‌లోనే కయాదు లోహర్‌ వస్తోంది అంటున్నారు. త్వరలోనే ఈ విషయం తేలిపోతుంది అంటున్నారు. ఇక ఈ సినిమాను వీలైనంత త్వరగా పూర్తి చేసి డిసెంబరులో విడుదల చేయాలని అనుకుంటున్నారట.

ఒకప్పుడు పట్టిందల్లా బంగారం.. ఇప్పుడు ఏది పట్టినా మట్టే.. పాపం