Ram Pothineni: సక్సెస్ గురించి షాకింగ్ కామెంట్స్ చేసిన రామ్.. ఏం చెప్పారంటే?

టాలీవుడ్ స్టార్ హీరోలలో ఒకరైన రామ్ (Ram) ఇస్మార్ట్ శంకర్  (iSmart Shankar) తర్వాత వరుసగా క్రేజీ ప్రాజెక్ట్ లలో నటిస్తున్నా ఆ సినిమాలు బాక్సాఫీస్ వద్ద మరీ సంచలనాలు అయితే సృష్టించలేదు. డబుల్ ఇస్మార్ట్ (Double Ismart) టీజర్ తాజాగా రిలీజ్ కాగా ఈ టీజర్ కు ప్రేక్షకుల నుంచి మంచి రెస్పాన్స్ వచ్చింది. రామ్ పుట్టినరోజు సందర్భంగా ఈ టీజర్ రిలీజ్ కావడం జరిగింది. అయితే హీరో రామ్ తన దృష్టిలో అసలైన సక్సెస్ గురించి షాకింగ్ కామెంట్స్ చేశారు.

యాక్టింగ్ స్కూల్ నుంచి షార్ట్ ఫిల్మ్ వరకు అక్కడినుంచి ఫీచర్ ఫిల్మ్ వరకు ఇలా మన లైఫ్ లో మనకు నచ్చినట్టు అనుకున్నట్టు జీవించడమే అసలైన సక్సెస్ అని రామ్ అన్నారు. మనం ప్రేమించే పనిని చేయగలగాలని ఎక్కువశాతం నచ్చినట్టు ఉండాలని రామ్ చెప్పుకొచ్చారు. ఏది చేస్తే ఆనందంగా ఉంటామో దాన్ని చేయగలగడమే అసలైన సక్సెస్ అని రామ్ వెల్లడించారు.

ఏది చేస్తే మనస్సు ప్రశాంతంగా ఉంటుందో అది చేయడమే లైఫ్ కు అర్థం అని రామ్ తెలిపారు. ఏది చేసినా సంతోషంగా ఉండటం ముఖ్యం అని ఇన్నేళ్ల నా ప్రయాణంలో భాగమైనందుకు అందరికీ ధన్యవాదాలు అని రామ్ చెప్పుకొచ్చారు. నన్ను ఆశీర్వదిస్తూ ఎప్పుడూ నాతో ఉంటున్నందుకు నాపై ఇంత ప్రేమను చూపిస్తున్నందుకు ధన్యవాదాలు అని రామ్ వెల్లడించారు.

డబుల్ ఇస్మార్ట్ మూవీ ఒకింత భారీ బడ్జెట్ తో తెరకెక్కుతోంది. సంజయ్ దత్ (Sanjay Dutt)  నటించడంతో బాలీవుడ్ లో సైతం ఈ సినిమాపై మంచి అంచనాలు ఏర్పడ్డాయి. త్వరలో ఈ సినిమా రిలీజ్ డేట్ కు సంబంధించి పూర్తిస్థాయిలో క్లారిటీ వచ్చే ఛాన్స్ ఉంది. పాన్ ఇండియా మూవీగా రిలీజ్ కానుండటం ఈ సినిమాకు ప్లస్ అవుతోంది. స్కంద తర్వాత రామ్ నటిస్తున్న సినిమా ఇదే కావడం గమనార్హం.