ఎనర్జిటిక్‌ స్టార్ రామ్ నుంచి ఈ ఏడాది రెండు చిత్రాలు రానున్నాయి. ఉన్నది ఒకటే జిందగీ తర్వాత అతను ‘హలో గురు ప్రేమ కోసమే’ సినిమాను పట్టాలెక్కించారు. దిల్‌ రాజు నిర్మిస్తున్న ఈ సినిమాలో రామ్ కు జోడిగా అనుపమా పరమేశ్వరన్‌ నటిస్తోంది. నాని హీరోగా నేనులోకల్‌ సినిమాతో మంచి సక్సెస్‌ సాధించిన త్రినాథ్‌ రావు నక్కిన ఈ సినిమాకు దర్శకుడు. ఈ సినిమా రెగ్యులర్‌ షూటింగ్‌ గత నెల ప్రారంభమైంది. . రొమాటింక్‌ ఎంటర్‌టైనర్‌గా తెరకెక్కుతున్న ఈ సినిమాకు దేవీ శ్రీ ప్రసాద్ సంగీతమందిస్తున్నారు. ఈ సినిమా సెట్స్ పై ఉండగానే మరో చిత్రాన్ని ప్రారంభించారు.
గరుడ వేగా సినిమాతో హిట్ అందుకున్న ప్రవీణ్ సత్తారు దర్శకత్వంలో నటించడానికి గ్రీన్ సిగ్నల్ ఇచ్చారు. ఈ చిత్రాన్ని రామ్ బాబాయ్ స్రవంతి రవి కిషోర్ నిర్మిస్తున్నారు. ఈ చిత్రానికి రీసెంట్ గా చాలా సింపుల్ గా పూజా కార్యక్రమాలు జరిగాయి. ఈ సందర్భంగా డైరక్టర్ మాట్లాడుతూ.. “ఇది యాక్షన్ సినిమా. స్క్రిప్ట్ అద్భుతంగా వచ్చింది. రామ్ కి బాగా యాప్ట్ అవుతుంది” అని అన్నారు. మే 7 వ తేదీ నుంచి జార్జియా లో తొలి షెడ్యూల్ మొదలు కానుంది. ఇందులో హీరోయిన్ గా “నేల టిక్కెట్టు” సినిమా ద్వారా పరిచయమవుతున్న మాళవికను పరిశీలిస్తున్నారు.
Home