Ram Prasad: వాళ్ళిద్దరు లేకపోవడంతో ఒంటరినయ్యాను: రాం ప్రసాద్

June 13, 2022 / 12:48 PM ISTByFilmy Focus

Join Us

Ram Prasad: వాళ్ళిద్దరు లేకపోవడంతో ఒంటరినయ్యాను: రాం ప్రసాద్

బుల్లితెరపై ప్రసారమవుతున్న జబర్దస్త్ కార్య క్రమానికి ఎంతటి ఆదరణ ఉందో ప్రత్యేకంగా చెప్పాల్సిన పని లేదు. ఈ కార్యక్రమం ద్వారా ఎంతో మంది అద్భుతమైన గుర్తింపు సంపాదించుకొని ఇండస్ట్రీలో స్టార్ సెలబ్రెటీలు గా కొనసాగుతున్నారు. జబర్దస్త్ ద్వారా గుర్తింపు పొందిన వారిలో సుడిగాలి సుదీర్ టీమ్ ఒకటి. సుధీర్, గెటప్ శ్రీను, ఆటో రామ్ ప్రసాద్ ఈ ముగ్గురూ కలిసి స్కిట్ చేస్తూ ప్రేక్షకులను తమదైన శైలిలో సందడి చేసేవారు.

ఈ విధంగా జబర్దస్త్ కార్యక్రమం ద్వారా ఈ ముగ్గురు ఎంతో మంచి గుర్తింపు పొందారు. అయితే కొన్ని కారణాల వల్ల ఈ కార్యక్రమం నుంచి గెటప్ శ్రీను, సుడిగాలి సుదీర్ తప్పుకున్నారు. వీరిద్దరు తప్పుకోవడానికి ఎన్నో కారణాలు సోషల్ మీడియాలో చక్కర్లు కొడుతున్నాయి.అయితే సుధీర్ గెటప్ శ్రీను ఈ కార్యక్రమం నుంచి తప్పుకోవడానికి సరైన కారణం మాత్రం తెలియడం లేదు.ఈ విధంగా ఈ కార్యక్రమం నుంచి సుధీర్ గెటప్ శీను వెళ్లిపోవడంతో ఆటో రాంప్రసాద్ ఒక్కరే ఈ కార్యక్రమంలో సందడి చేస్తున్నారు.

తాజాగా ప్రసారమైన ఎక్స్ ట్రా జబర్దస్త్ కార్యక్రమంలో రాకింగ్ రాకేష్ కెవ్వు కార్తిక్ సుడిగాలి సుదీర్ ఫ్రెండ్ షిప్ గురించి స్కిట్ చేశారు. ఈ స్కిట్టు చూస్తూ అక్కడే ఉన్నటువంటి ఆటో రాంప్రసాద్ ఏకధాటిగా కన్నీళ్లు పెట్టుకొని ఎంతో ఎమోషనల్ అయ్యారు. అయితే ఈ స్కిట్ పై పలువురు నెటిజన్లు తమదైన శైలిలో కామెంట్లు చేశారు. ఆటో రాంప్రసాద్ కేవలం ఈ కార్యక్రమం రేటింగ్స్ కోసమే ఇలా కన్నీళ్లు పెట్టుకున్నారు అంటూ పెద్ద ఎత్తున కామెంట్లు చేశారు. ఈ కామెంట్లపై ఆటో రాంప్రసాద్ స్పందిస్తూ ఎమోషనల్ అయ్యారు.

సుడిగాలి సుధీర్ గెటప్ శీను వెళ్ళిపోవడంతో తాను ఒంటరి అయ్యానని బాధతో కన్నీళ్ళు వచ్చాయి. తమ స్నేహం ఎప్పటికీ విడిపోదని భావించానని కానీ వాళ్ళిద్దరు లేకపోవడంతో కన్నీళ్లు వచ్చాయని, ఈ కన్నీళ్లు రేటింగ్స్ కోసం కాదని ఆటో రాంప్రసాద్ సుడిగాలి సుధీర్ గెటప్ శీనుతో ఉన్న స్నేహ బంధాన్ని గుర్తు చేసుకొని వేదికపై ఎమోషనల్ అయ్యారు. ఈ క్రమంలోని ఈ ఫోటోలు సోషల్ మీడియాలో వైరల్ అవుతున్నాయి.