‘వీరసింహా రెడ్డి’ లో రామజోగయ్య శాస్త్రి క్యారక్టర్ ఏంటంటే..!

January 10, 2023 / 01:56 PM ISTByFilmy Focus

Join Us

‘వీరసింహా రెడ్డి’ లో రామజోగయ్య శాస్త్రి క్యారక్టర్ ఏంటంటే..!

నటసింహ నందమూరి బాలకృష్ణ మరి కొద్ది గంటల్లో ‘వీరసింహా రెడ్డి’ గా ప్రేక్షకాభిమానుల ముందుకు రానున్నారు.. గోపిచంద్ మలినేని దర్శకత్వంలో.. మైత్రీ మూవీ మేకర్స్ నిర్మించిన యాక్షన్ అండ్ ఫ్యామిలీ ఎంటర్‌టైనర్‌ ఇది.. శృతి హాసన్ తొలిసారి బాలయ్యతో జత కడుతుంది.. లాల్, ‘దునియా’ విజయ్, వరలక్ష్మీ శరత్ కుమార్, హనీ రోజ్, అజయ్ ఘోష్ కీలక పాత్రల్లో నటించారు..యంగ్ మ్యూజిక్ సెన్సేషన్ థమన్ సంగీతమందిస్తుండగా.. ‘సరస్వతీ పుత్ర’ రామజోగయ్య శాస్త్రి అన్ని పాటలూ రాశారు. ఈ ఆల్బమ్‌లోని నాలుగు పాటలకి మంచి రెస్పాన్స్ వచ్చింది.

‘లెజెండ్’ తర్వాత శాస్త్రి, బాలయ్య సినిమాకి అన్ని సాంగ్స్ రాయడం ఈ సినిమాతోనే జరిగింది.. సిరివెన్నెల సీతారామ శాస్త్రి శిష్యుడిగా చిత్ర పరిశ్రమలోకి ప్రవేశించి.. తక్కువ సమయంలోనే తనకంటూ ఓ ప్రత్యేకమైన గుర్తింపు తెచ్చుకున్నారు ప్రముఖ గీత రచయిత రామజోగయ్య శాస్త్రి.. చేసే ప్రతి సినిమాలోనూ.. రాసే ప్రతి పాటలోనూ.. పలికే ప్రతి పదంలోనూ ఆయన మార్క్ స్పష్టంగా కనిపిస్తుంది.. రామ్ జో ట్విట్టర్‌లో చాలా యాక్టివ్‌గా ఉంటారు. తన పర్సనల్, ప్రొఫెషన్‌కి సంబంధించిన అప్‌డేట్స్ అన్నిటినీ షేర్ చేస్తుంటారాయన.

మంగళవారం ఉదయం బాలయ్య బాబుతో కలిసి ‘మా బావ మనోభావాల్ దెబ్బతిన్నాయే’ సాంగ్ షూట్ గ్యాప్‌లో తీసుకున్న పిక్ షేర్ చేసిన శాస్త్రి.. కాసేపటికి ‘వీర సింహా రెడ్డి’ లో నా క్యామియో అంటూ తలపాగా చుట్టుకుని ఉన్న సూపర్బ్ పిక్ షేర్ చేశారు. రామారావు, బాలయ్యలకు వీరాభిమాని అని, ఫ్యాన్స్ ప్రెసిడెంట్‌గా కూడా ఉన్నానని చెప్పిన సంగతి తెలిసిందే. అలా తన అభిమాన నటుడి సినిమాకి పాటలు రాయడమే కాక ఓ వేషం వేయడం విశేషం.

‘కింగ్’, ‘శ్రీమంతుడు’ వంటి పలు చిత్రాల్లో పాటల్లో కాసేపు కనిపించి అలరించిన రామ్ జో ‘వీర సింహా రెడ్డి’ లో ‘మాస్ మొగుడు’ పాటలో కనిపించనున్నారని బాలయ్య ఫ్యాన్స్, నెటిజన్లు కామెంట్స్ చేస్తున్నారు. అయితే ఏ పాటలో కనిపించనున్నారనేది మాత్రం రివీల్ చేయలేదు. ఆయన షేర్ చేసిన పిక్ నెట్టింట వైరల్ అవుతోంది..