రై.. రై.. రా.. రా.. అంటూ మెగా పవర్ స్టార్ రామ్ చరణ్ మరోసారి తన మాస్ ఎనర్జీతో థియేటర్లలో తన విశ్వరూపం చూపించటానికి సిద్ధమవుతున్నాడు. ప్రస్తుతం రామ్ చరణ్ నటిస్తున్న అత్యంత ప్రతిష్టాత్మక చిత్రం ‘పెద్ది’ (Peddi) నుంచి రాబోతున్న రెండో పాటపై సోషల్ మీడియాలో భారీ అంచనాలు నెలకొన్నాయి. ఇది రామ్ చరణ్ కెరీర్లో 16వ సినిమా కాగా, ‘ఉప్పెన’తో తనకంటూ ప్రత్యేక గుర్తింపు తెచ్చుకున్న దర్శకుడు బుచ్చిబాబు సానా ఈ చిత్రాన్ని ఎంతో గ్రాండ్గా తెరకెక్కిస్తున్నారు.
ఇప్పటికే విడుదలైన ‘చికిరి చికిరి’ సాంగ్తో సినిమాపై క్రేజ్ పీక్స్కి చేరింది. ఆ పాటలో రామ్ చరణ్ మాస్ లుక్, ఎనర్జీ అభిమానులను విపరీతంగా ఆకట్టుకున్నాయి. ఇక ఇప్పుడు ‘రై రై రా రా’ అంటూ వచ్చే కొత్త పాటలో ఆయన మరింత రస్టిక్ అవతార్లో కనిపించనున్నాడని సమాచారం. దాదాపు 300 మంది ప్రొఫెషనల్ డాన్సర్ల మధ్య చరణ్ తనదైన గ్రేస్తో స్టెప్పులు వేసినట్టు టాక్. ‘మగధీర’, ‘రంగస్థలం’ రోజులను గుర్తు చేసేలా ఈ పాట ఉంటుందని ఫ్యాన్స్ ఆశిస్తున్నారు.
ఈ పాటను సోమవారం సాయంత్రం 7 గంటల 2 నిమిషాలకు విడుదల చేయనున్నట్లు మేకర్స్ అధికారికంగా ప్రకటించారు. ఇప్పటికే విడుదలైన స్టిల్ సోషల్ మీడియాలో ట్రెండింగ్గా మారింది. ఈ సినిమాకు సంగీతం అందించిన లెజెండరీ A. R. రెహమాన్ మరోసారి తన మ్యాజిక్ చూపించబోతున్నారని అభిమానులు చర్చించుకుంటున్నారు.
ఇక ఈ చిత్రంలో హీరోయిన్గా నటిస్తున్న జాహ్నవి కపూర్ గురించి కూడా ప్రత్యేకంగా చెప్పుకోవాలి. బాలీవుడ్లో తనకంటూ గుర్తింపు తెచ్చుకున్న జాన్వీ, ఈ సినిమాతో టాలీవుడ్లో మరింత బలమైన అడుగు వేయనుంది. ఆమె పాత్ర కథకు కీలకంగా ఉండడంతో పాటు, రామ్ చరణ్తో ఆమె కెమిస్ట్రీ హైలైట్ అవుతుందని చిత్రవర్గాలు అంటున్నాయి. మొత్తానికి ‘రై రై రా రా’ సాంగ్తో ‘పెద్ది’ సినిమాపై అంచనాలు మరింతగా పెరగడం ఖాయం. మాస్, ఎనర్జీ, గ్రాండ్ స్కేల్.. అన్నీ కలసి ఇది అభిమానులకు ఒక పెద్ద పండుగలా మారబోతోందని చెప్పొచ్చు.
