Ramojirao: ఇలాంటి షో చేయకూడదని రామోజీరావు ప్రయత్నించారు.. కానీ?

June 20, 2022 / 07:37 PM ISTByFilmy Focus

Join Us

Ramojirao: ఇలాంటి షో చేయకూడదని రామోజీరావు ప్రయత్నించారు.. కానీ?

బుల్లితెరపై ఎన్నో కార్యక్రమాలు ప్రసారం అవుతూ విపరీతంగా బుల్లితెర ప్రేక్షకులను ఆకట్టుకుంటున్నాయి. అయితే ప్రస్తుతం ఎన్నో కామెడీ షో లో ప్రసారం అవుతూ ప్రేక్షకులను తమదైన శైలిలో సందడి చేస్తున్నాయి. ఈ క్రమంలోనే ఈటీవీ లో ప్రసారమయ్యే జబర్దస్త్ కార్యక్రమానికి విపరీతమైన క్రేజ్ ఉంది.అయితే తాజాగా డైరెక్టర్ గీతాకృష్ణ జబర్దస్త్ కార్యక్రమం గురించి షాకింగ్ కామెంట్స్ చేశారు. డైరెక్టర్ గీతాకృష్ణ దర్శకత్వంలో పలు సినిమాలు తెరకెక్కినప్పటికీ ఆయనకు పెద్దగా గుర్తింపు తీసుకు రాలేదు.

ఈ క్రమంలోనే ప్రస్తుతం సినీ ఇండస్ట్రీకి దూరమైన ఈయన పలు ఇంటర్వ్యూలలో పాల్గొని సినీ సెలబ్రిటీల గురించి ఆసక్తికరమైన వ్యాఖ్యలు చేస్తున్నారు. తాజాగా ఒక ఇంటర్వ్యూలో పాల్గొన్న ఈయన జబర్దస్త్ కార్యక్రమాన్ని బూతుల షో అంటూ కామెంట్ చేశారు.నిజానికి రామోజీరావు గారికి ఈ టీవీలో ఇలాంటి బూతులు కార్యక్రమాలను ప్రసారం చేయడం ఏమాత్రం ఇష్టం లేదని ఆయన తెలిపారు. జబర్దస్త్ కార్యక్రమం ఈ టీవీలో ప్రసారం కాకముందు ఈ టీవీ రేటింగ్ టాప్ టెన్ లో ఉండేది.

ఈ టీవీకి రేటింగ్ తీసుకురావడం కోసం ఢీ వంటి కార్యక్రమాన్ని ప్రసారం చేశారు. ఈ కార్యక్రమం ద్వారా రేటింగ్ కాస్త పెరగడంతో జబర్దస్త్ కార్యక్రమాన్ని ప్రేక్షకుల ముందుకు తీసుకు వచ్చారు.ఇలా జబర్దస్త్ కార్యక్రమం ప్రసారం అవుతున్న సమయంలో టాప్ టెన్ లో ఉన్నటువంటి రేటింగ్ 2 వ స్థానానికి చేరుకుంది. ఈ విధంగా ఈ టీవీలో ఇలాంటి కార్యక్రమాలను ఏర్పాటు చేయడానికి రామోజీ రావు గారికి ఇష్టం లేకపోయినా ఈ టీవీ రేటింగ్ కోసం ఈ కార్యక్రమాన్ని తప్పనిసరి పరిస్థితులలో ప్రసారం చేయాల్సి వస్తుందని ఆయన తెలిపారు.

ప్రేక్షకులను ఎంటర్ టైన్ చేయడానికి జబర్దస్త్ కార్యక్రమాన్ని ఒక డిఫరెంట్ జోనర్ లో డిజైన్ చేయగా చివరికి అది డబుల్ మీనింగ్ డైలాగులతో బూతుల షో అయ్యింది. ఇందులో కామెడీ బూతు డైలాగులకు జడ్జిల వెకిలి నవ్వులు తోడైనప్పటికీ, ఇలాంటి కార్యక్రమాన్ని ఏమీ చేయలేక చివరికి రామోజీరావు గారు కూడా చేతులెత్తేశారు అంటూ ఈయన ఈ కార్యక్రమం గురించి చేసిన వ్యాఖ్యలు వైరల్ అవుతున్నాయి.