బిగ్ బాస్ షోలో సందడి చేయనున్న రానా

యంగ్ టైగర్ ఎన్టీఆర్ బుల్లి తెరలో తొలి అడుగుతోనే సంచలనం సృష్టించారు. స్టార్ మా ఛానల్ వారు నిర్మిస్తున్న అతి పెద్ద రియాలిటీ షో బిగ్ బాస్ షోకి తారక్ హోస్ట్ గా వ్యవహరిస్తున్న సంగతి తెలిసిందే. ఈ షో గత నెల 16 న ప్రారంభమయి అందరినీ ఆకట్టుకుంటోంది. టీఆర్పీ(టెలివిజన్ రేటింగ్ పాయింట్), టీవీఆర్ (టెలివిజన్ వీవర్స్ రేటింగ్) లోను అత్యధిక పాయింట్స్ ని సాధించి దూసుకుపోతోంది. ముఖ్యంగా ఎన్టీఆర్ వచ్చే శనివారం, ఆదివారాలలో రేటింగ్ అమాంతం పెరిగిపోతోంది. ఈ వీకెండ్ మరికొన్ని పాయింట్స్ పెరగనుంది. ఎందుకంటే మన భల్లాల దేవా రానా దగ్గుబాటి ఈ ఆదివారం స్పెషల్ గెస్ట్ గా బిగ్ బాస్ షోకి రాబోతున్నారు.

తాను హీరోగా నటించిన నేనే రాజు నేనే మంత్రి సినిమా ప్రమోషన్లో భాగంగా రియాలిటీ షోకి వెళ్ళుతున్నారు. ఈరోజు (శనివారం) సాయంత్రం ముంబయి ఫ్లయిట్ ఎక్కి బయలు దేరారు. రానా వ్యాఖ్యాతగా అనేక షోలను హిట్ చేయించారు. అతను, ఎన్టీఆర్ కలిస్తే సందడే సందడి. ఆ సందడి సండే నాడు డబల్ కానుంది. రానా రాక బిగ్ హౌస్ లోని పార్టిసిపెంట్స్ తో పాటు బుల్లితెర ప్రేక్షకులకు మరింత ఆనందాన్ని పంచనుంది.

Also, do SUBSCRIBE to our YouTube channel to get latest Tollywood updates.