Rana Daggubati, Sharwanand: రానా – శర్వానంద్‌ కలవబోతున్నారా?

September 29, 2021 / 01:44 PM ISTByFilmy Focus

Join Us

Rana Daggubati, Sharwanand: రానా – శర్వానంద్‌ కలవబోతున్నారా?

టాలీవుడ్‌లో పెద్ద హీరోలందరితో సినిమాలు ఓకే చేసుకుంటోంది మైత్రీ మూవీ మేకర్స్‌. ఈ మధ్య కోలీవుడ్‌, బాలీవుడ్‌లో కూడా కాంబినేషన్లు సెట్‌ చేసుకుంటున్నారు అనుకోండి. ఈ క్రమంలో టాలీవుడ్‌లో మరో సూపర్‌ మల్టీస్టారర్‌ను సెట్‌ చేశారని తెలుస్తోంది. ఇద్దరు యువ హీరోలతో కొత్త దర్శకుడు ఓ మల్టీ స్టారర్‌ కథను సిద్ధం చేశారట. దీనిని మైత్రీ మూవీ మేకర్స్‌ నిర్మిస్తోందని సమాచారం. తెలుగులో ప్రస్తుతం ఉన్న మల్టీస్టారర్లు ‘భీమ్లా నాయక్‌’, ‘మహా సముద్రం’.

ఆ సినిమాల్లో నటిస్తున్న ఇద్దరు హీరోలు ఇప్పుడు మరో మల్టీస్టారర్‌ సినిమా చేయబోతున్నారని టాక్‌. ‘భీమ్లా నాయక్‌’ నుండి రానా, ‘మహా సముద్రం’ నుండి శర్వానంద్‌ కలసి మరో మల్టీస్టారర్‌ చేస్తారట. దీనికి సంబంధించి ఓ కథ కూడా సిద్ధమైందని అంటున్నారు. త్వరలో ముహూర్తం జరుపుకోనుందని సమాచారం. ఇక మైత్రీ సంగతి చూస్తే… టాలీవుడ్‌లో వరుస సినిమాలు చేస్తోంది. చిరంజీవి, పవన్ కల్యాణ్‌, మహేశ్‌బాబు, ఎన్టీఆర్‌, అల్లు అర్జున్‌ … ఇలా స్టార్ల సినిమాలు సెట్‌పై తీసుకొచ్చారు,

తీసుకొస్తున్నారు కూడా. మరోవైపు యువ హీరోల సినిమాలు కూడా చేస్తూ వస్తున్నారు. ఇలా వరుస సినిమాలు ఓకే చేయించుకోవడం అంత ఈజీ కాదు. కానీ మైత్రీ వాళ్లకు ఈజీనే అనిపిస్తోంది.