టాలీవుడ్ హీరో రానా దగ్గుబాటి తన కెరీర్ లో ఇప్పటివరకు చాలా మల్టీస్టారర్ సినిమాల్లో నటించారు. కానీ తొలిసారి పవన్ కళ్యాణ్ తో కలిసి స్క్రీన్ షేర్ చేసుకోబోతున్నారు. పవన్ లాంటి హీరోతో కలిసి పని చేస్తుండడం ఎంతో ఎగ్జైటెడ్ గా ఉందని చెబుతున్నారు రానా. పవన్ కళ్యాణ్ ను దగ్గరుండి గమనించిన ఈ నటుడు.. పాత్రను పవన్ అర్ధం చేసుకునే విధంగా అద్భుతమని అంటున్నారు. పవన్ కళ్యాణ్ కు ఉన్న అనుభవం చూసి ఆశ్చర్యమేసిందని..
సినిమాపై ఆయనకున్న జ్ఞానం, అనుభవం అపారమని అన్నారు. సినిమాను ఆయనొక కొత్త కోణంలో చూస్తారని.. పాత్రను అర్ధం చేసుకునే విధానం.. తొందరగా పాత్ర స్వభావాన్ని పట్టుకోవడం పవన్ కళ్యాణ్ లో ఉన్న గొప్ప లక్షణమని చెప్పుకొచ్చారు. సినిమాపై ఎంతో అనుభవం ఉన్న నటులతో కలిసి వర్క్ చేయడం వలన ఎన్నో లాభాలు ఉంటాయని అన్నారు. పవన్ కళ్యాణ్ తో కలిసి పని చేస్తున్నప్పుడు ప్రతి రోజూ కొత్త విషయం నేర్చుకుంటున్నానని అన్నారు రానా.
‘అయ్యప్పనుమ్ కోశియుమ్’ రీమేక్ లో తన పాత్ర ఎలా ఉంటుందనే విషయంపై స్పందిస్తూ.. ఇప్పటివరకు తను పోషించని పాత్ర అని.. పాత్రలో చాలా ఎమోషన్స్ ఉంటాయని చెప్పుకొచ్చారు. సాగర్ చంద్ర డైరెక్ట్ చేస్తోన్న ఈ సినిమాకి త్రివిక్రమ్ మాటలు, స్క్రీన్ ప్లే అందిష్టున్నారు. వచ్చే ఏడాది సంక్రాంతి కానుకగా సినిమా ప్రేక్షకుల ముందుకు రానుంది.
Most Recommended Video
‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!
