Rana, Pawan Kalyan: హైలెట్ అవ్వలేదు కానీ పవన్ మూవీలో రానా లుక్ బాగానే ఉంది..!

పవర్ స్టార్ పవన్ కళ్యాణ్ -దగ్గుబాటి రానా కాంబినేషన్లో తెరకెక్కుతున్న మల్టీస్టారర్ మూవీ 2022 సంక్రాంతి కానుకగా విడుదల కాబోతున్నట్టు దర్శకనిర్మాతలు నిన్న ఓ మేకింగ్ వీడియో ద్వారా స్పష్టం చేశారు. మలయాళంలో సూపర్ హిట్ అయిన ‘అయ్యప్పనుమ్ కోషియమ్’ కు ఇది రీమేక్ అన్న సంగతి తెలిసిందే.నిన్నటి నుండీ ఈ వీడియో తెగ ట్రెండ్ అవుతుంది. పవన్ కళ్యాణ్ పోలీస్ ఆఫీసర్ భీమ్లా నాయక్ గా కనిపించి అభిమానులను ఫిదా చేశారు.

ఇక రానా సివిల్ డ్రెస్ లో కనిపించడం విశేషం. పవన్ కళ్యాణ్ ఉన్నాడు కాబట్టి.. రానాని ఎవ్వరూ కాన్సన్ట్రేట్ చేయలేదన్నది అక్షర సత్యం. కానీ రానా లుక్ కూడా ఇందులో బాగానే ఉంది. ఒరిజినల్ ప్రకారం చూసుకుంటే ఈ సినిమాలో పవన్ కళ్యాణ్ పాత్రకి ధీటుగా రానా పాత్ర ఉంటుంది. మరి రీమేక్ లో పవన్ అభిమానులను దృష్టిలో పెట్టుకుని ఏమైనా మార్పులు చేసారా అన్నది తెలియాల్సి ఉంది.కానీ రానా పాత్రలో ఎన్ని నెగిటివ్ షేడ్స్ ఉన్నా అతను పట్టించుకోడు. వైవిధ్యాన్ని చూపించడానికి అతనెప్పుడూ ముందుంటాడు.

రానా లుక్ చూస్తుంటే అది స్పష్టంగా తెలుస్తుంది.అయితే రానా ఫేస్ లో ఇదివరకు ఉన్న స్పార్క్ లేదు. ‘రానా అనారోగ్యానికి గురై అమెరికాలో చికిత్స తీసుకున్నారు’ అని గతంలో వార్తలు వినిపించాయి.కానీ రానా మాత్రం వీటిని ఖండించిన సంగతి తెలిసిందే. కారణాలు ఏమైనా ఈ ఏడాది విడుదలైన ‘అరణ్య’ లో రానా మొహం చాలా ఘోరంగా ఉంది. గడ్డం పెంచి కవర్ చేసినా అది క్లియర్ గా తెలుస్తుంది. అయితే ‘ఏకె’ రీమేక్ లో రానా లుక్ పర్వాలేదు అనిపించిందనే చెప్పాలి.

Most Recommended Video

‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!