టాలీవుడ్ హీరో రానా మొదటి నుండి వైవిధ్యమైన కథల్లో నటిస్తూ తనకంటూ ప్రత్యేకమైన గుర్తింపు సంపాదించుకున్నాడు. ఓ పక్క సినిమాల్లో నటిస్తూనే.. అప్పుడప్పుడు బుల్లితెరపై టీవీ షోలను హోస్ట్ చేస్తుంటాడు. జెమినీ టీవీలో నెం.1 యారీ అనే టాక్ షోని నిర్వహించాడు రానా. ఈ షో మూడు సీజన్లు సక్సెస్ ఫుల్ గా కంప్లీట్ చేసుకుంది. చాలా మంది సెలబ్రిటీలను ఈ షో కోసం తీసుకొచ్చాడు రానా. ఇప్పుడు ఈ షో.. ఛానెల్ నుండి యాప్ లోకి వచ్చింది. అల్లు అరవింద్ సొంత ఓటీటీ యాప్ ‘ఆహా’లో రానా టాక్ షో మొదలుకానుంది.
జెమినీ టీవీ నుండి స్ట్రీమింగ్ రైట్స్ ను ‘ఆహా’ తీసుకున్నట్లు తెలుస్తోంది. మొన్నామధ్య స్టార్ హీరోయిన్ సమంతతో ‘సామ్ జామ్’ అనే టాక్ షోని నిర్వహించింది ఆహా. ఈ షోకి మెగాస్టార్ నుండి విజయ్ దేవరకొండ వరకు టాలీవుడ్ లో ఉన్న పాపులర్ సెలబ్రిటీలను తీసుకొచ్చి ఇంటర్వ్యూలు చేశారు. ఇప్పుడు రానాతో కూడా ఇలాంటి షోనే ప్లాన్ చేశారు. నిజానికి రానా గడిచిన సీజన్లలో దాదాపు టాప్ సెలబ్రిటీలందరినీ గెస్ట్ లుగా తీసుకొచ్చాడు.
మరి ఇప్పుడు కొత్తగా ఎవరిని తీసుకొస్తారో..? ఈ షోని ఎలా ప్లాన్ చేస్తారో చూడాలి. ఇక సినిమాల విషయానికొస్తే.. ప్రస్తుతం రానా ‘విరాటపర్వం’ అనే సినిమాలో నటిస్తున్నాడు. ఈ సినిమా టీజర్, పోస్టర్స్ ప్రేక్షకులను ఆకట్టుకోవడంతో అంచనాలు పెరిగిపోయాయి. త్వరలోనే సినిమాను విడుదల చేయనున్నారు. ఇక రానా నటించిన ‘అరణ్య’ సినిమా మార్చి 26న ప్రేక్షకుల ముందుకు రానుంది. తెలుగు, తమిళ, హిందీ భాషల్లో ఈ సినిమాను విడుదల చేయనున్నారు.
Most Recommended Video
ఏ1 ఎక్స్ ప్రెస్ సినిమా రివ్యూ & రేటింగ్!
షాదీ ముబారక్ సినిమా రివ్యూ & రేటింగ్!
సీత ఆన్ ది రోడ్ సినిమా రివ్యూ & రేటింగ్!
