Ranbir Kapoor: సినిమా లుక్‌ లీక్‌.. ఇంత మంచి చేస్తుందా?

సినిమా షూటింగ్‌ జరుగుతున్నప్పుడు సీన్స్‌, లుక్స్‌, పాటలు.. లీక్‌ అయితే టీమ్‌ బాగా కంగారుపడిపోతూ ఉంటుంది. సినిమాలోని ముఖ్యమైన అంశం బయటకు వెళ్లిపోయింది.. అంటూ ఆందోళనపడుతుంటుంది. అయితే అభిమానులు మాత్రం చాలా ఆనందంగా తమ అభిమాన హీరోను చూసి మురిసిపోతారు. కొన్నిసార్లు దర్శకనిర్మాతలు భయపడింది కూడా జరుగుతుంది. కానీ ఓ సినిమా నుండి లీక్‌ వచ్చి.. సినిమా మీద అమాంతం అంచనాలు పెంచితే.. అంతకుమించిన ఆనందం ఏం ఉంటుంది అంటారా?

అయితే అలాంటి ఆనందం పడుతున్న తాజా వ్యక్తి రణ్‌బీర్‌ కపూర్‌. ఇక టీమ్‌ అంటే ‘యానిమల్‌’ సినిమా టీమ్‌. తెలుగు దర్శకుడు సందీప్‌ రెడ్డి వంగా దర్శకత్వంలో రూపొందుతున్న ఈ సినిమా షూటింగ్‌ ప్రస్తుతం శరవేగంగా సాగుతోంది. అందులో భాగంగా రణ్‌బీర్‌ లుక్‌ ఒకటి బయటికొచ్చింది. గుబురు గడ్డం, రఫ్‌ లుక్‌లో రణ్‌బీర్‌ కపూర్‌ అదిరిపోయాడని చెప్పాలి. అతని అభిమానులైతే.. రణ్‌బీర్‌కి ఈ సినిమా మాస్‌ హిట్‌ అని ఫిక్స్‌ అయిపోతున్నారు. ఒంటిపై రక్తం మరకలతో వయొలెంట్‌గా ఉన్న ఆ ఫొటో ఇప్పుడు వైరల్‌ అవుతోంది.

నిజానికి సందీప్‌ రెడ్డి వంగా – రణ్‌బీర్‌ కాంబినేషన్‌ అనగానే ప్రకంపనలు రేగాయి. కారణం సందీప్‌ దర్శకత్వం వహించిన ‘కబీర్‌ సింగ్‌’ సినిమా అక్కడ సాధించిన విజయమే. ‘యానిమల్‌’ అనే టైటిల్‌ కూడా సినిమా హైప్‌ పెరగడానికి కారణమయ్యాయి. లుక్‌ చూస్తుంటే సినిమాలో రణ్‌బీర్‌ ఎంత వయొలెంట్ క్యారెక్టర్ చేస్తున్నాడో అర్థమవుతోంది. మామూలుగా ఇలాంటి లుక్స్‌ బయటకు వస్తే.. లుక్‌ రివీల్‌ అయిపోయింది అని అనుకుంటారు.

‘బ్రహ్మాస్త్ర’ లాంటి భారీ సినిమా చేసినా రణ్‌బీర్‌, బాలీవుడ్‌కి విజయం దక్కలేదు. అలా హిట్‌ లేక సతమతం అవుతున్న రణ్‌బీర్‌కి, బాలీవుడ్‌కి ఈ సినిమాకొస్తున్న హైప్‌, బజ్‌ చాలా కీలకం. మరి సందీప్‌ రెడ్డి ఈ బజ్‌ను హిట్‌గా ఎలా మలచుకుంటారో చూడాలి. రష్మిక మందన, పరిణీతి చోప్రా కథానాయికలుగా నటిస్తున్న ఈ సినిమాను వచ్చే ఏడాది సెకండాఫ్‌లో తీసుకొస్తారని సమాచారం.

లవ్ టుడే సినిమా రివ్యూ& రేటింగ్!
తోడేలు సినిమా రివ్యూ & రేటింగ్!

ఇట్లు మారేడుమిల్లి ప్రజానీకం సినిమా రివ్యూ & రేటింగ్!
ఇప్పటి వరకు బాలయ్య పేరుతో వచ్చిన పాటలు ఇవే..