‘ప్రతీరోజూ పండగే’ మారుతికి బాగా కలిసొచ్చింది..!

గత కొంతకాలంగా సరైన హిట్టు లేని దర్శకుడు మారుతీ.. ఎట్టకేలకు ‘ప్రతీరోజూ పండగే’ చిత్రంతో బ్లాక్ బస్టర్ కొట్టి బౌన్స్ బ్యాక్ అయ్యాడు. ‘భలే భలే మగాడివోయ్’ చిత్రం తర్వాత ఆ ‘బాబు బంగారం’ ‘శైలజా రెడ్డి అల్లుడు’ వంటి సినిమాలతో నిరాశపరిచాడు మారుతీ. మధ్యలో వచ్చిన ‘మహానుభావుడు’ చిత్రం హిట్ అయినప్పటికీ.. ఆ చిత్రం మేజర్ క్రెడిట్ అంతా శర్వానంద్ అకౌంట్లోకి వెళ్ళిపోయింది. కానీ ఈసారి మాత్రం మంచి ఫ్యామిలీ ఎంటర్టైనర్ తో ప్రేక్షకులని నవ్వించి పెద్ద బ్లాక్ బస్టర్ కొట్టాడు.

ఈ చిత్రం ఏకంగా 33 కోట్ల పైనే షేర్ ను రాబట్టింది. దాంతో ఈ చిత్రం నిర్మాతలలో ఒకరైన వంశీ.. దర్శకుడు మారుతీకి… రేంజ్ రోవర్ కారును బహుమతిగా అందించాడు. ఈ విషయాన్ని తన ట్విట్టర్ ద్వారా తెలియజేసాడు మారుతీ. ‘థాంక్స్ వంశీ డార్లింగ్, నీలాంటి స్నేహితుడు ఉంటే ప్రతి రోజూ పండగే’ అంటూ తన సినిమా టైటిల్ తోనే ఆయనకు కృతజ్ఞతలు తెలిపాడు. ఇక ‘ప్రతీరోజూ పండగే’ చిత్రం ఇప్పటికీ మంచి కలెక్షన్లను రాబడుతుండడం విశేషం.

దర్బార్ సినిమా రివ్యూ & రేటింగ్!
అతడే శ్రీమన్నారాయణ సినిమా రివ్యూ & రేటింగ్!