టాలీవుడ్‌ హీరోల గురించి బాలీవుడ్ హీరోలు, హీరోయిన్లు ఈ మధ్య ఎక్కువగా మాట్లాడుతున్నారు. చాలా ఏళ్ల క్రితం ఇలా రెండు ఇండస్ట్రీల నటుల ఒకరినొకరు మెచ్చుకోవడం కనిపించేది. అడపాదడపా కొన్ని ఫొటోలు కూడా బయటకు వచ్చేవి. అయితే గత కొన్నేళ్లుగా ఇలాంటి ఒరవడి కనిపించడం లేదు. ఎప్పుడో కానీ ఒక మాట, మరెప్పుడో కానీ ఒక ఫొటో బయటకు వచ్చేవి. కానీ పాన్‌ ఇండియా సినిమా జోరు పెరిగేసరికి మెచ్చుకోలు మాటలు పెరిగాయి. తాజాగా రామ్‌చరణ్‌ గురించి రణ్‌వీర్‌ సింగ్ మాటలు వైరల్‌గా మారాయి.
రణ్‌వీర్‌ సింగ్‌కి మెగా కుటుంబానికి దగ్గర సంబంధాలున్నాయి. హైదరాబాద్‌ వచ్చినప్పుడు కచ్చితంగా మెగా కుటుంబం హీరోలను కలుస్తాడని టాక్‌. ఆ మధ్య సుబ్బరామిరెడ్డి ఇంట్లో శుభకార్యం జరిగితే రణ్‌వీర్‌ వచ్చి డ్యాన్స్‌ వేశాడు. ఆ సందర్భంలో అతనితో చిరంజీవి కూడా స్టెప్పులేశాడు. ఆ తర్వాత శంకర్‌ – రామ్‌ చరణ్ సినిమా ఓపెనింగ్‌కి కూడా రణ్‌వీర్‌ సింగ్ ముఖ్య అతిథిగా హాజరయ్యాడు. అప్పుడు ఇద్దరిని కలిపి తీసిన ఫొటోలు వైరల్‌ అయ్యాయి. ఇప్పుడు ఆ పరిచయంతోనే చరణ్ గురించి చెప్పాడు రణ్‌వీర్‌.
రణ్‌వీర్‌ సింగ్ ఇటీవల సోషల్‌ మీడియాలో అభిమానులతో చిట్‌ చాట్‌ చేశాడు. కెరీర్‌, పర్సనల్‌ లైఫ్‌ గురించి మాట్లాడాడు. ఈ క్రమంలో రామ్‌చరణ్‌ గురించి చెప్పమని ఓ అభిమాని రణ్‌వీర్‌ సింగ్‌ను అడిగాడు. దానికి రణ్‌వీర్‌… రామ్‌ చరణ్ ఒక యానిమల్‌ లాంటోడు. అంటే ఎంత కష్టానికైనా వెనుకాడని గుణం ఉన్నవాడు. సినిమా కోసం చాలా హార్డ్ వర్క్ చేస్తాడు అని చెప్పుకొచ్చాడు. ‘మగధీర’ సినిమా చూసినప్పటి నుండి రామ్‌చరణ్‌ని చాలా అభిమానిస్తున్నాను.
ఇప్పుడు ‘ఆర్ఆర్ఆర్’ సినిమా కోసం ఎంతగానో ఎదురుచూస్తున్నాను అని చెప్పాడు రణ్‌వీర్‌ సింగ్. రణ్‌వీర్‌ సింగ్ ఇలా ఇతర ఇండస్ట్రీల హీరోల గురించి మాట్లాడటం ఇదేం కొత్తకాదు. గతంలోనూ కొందరి గురించి చెప్పాడు. మరి దీనికి చరణ్ ఏమన్నా సమాధానం చెబుతాడా? లేదా అనేది చూడాలి. అయినా ఇలా రెండు ఇండస్ట్రీలకు చెందిన స్టార్‌ హీరోస్‌ ఇలా మాట్లాడుకోవడం హ్యాపీయే.
Most Recommended Video
ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!
Home