బుల్లి తెర నుంచి వెండితెరపైకి వెళ్ళినవారు ఉన్నారు. వెండితెర నుంచి బుల్లితెరలోకి అడుగుపెట్టినవారు ఉన్నారు. రష్మీ మాత్రం వెండితెర నుంచి బుల్లితెరలోకి వెళ్లి.. మళ్లీ వెండితెరపై హీరోయిన్ గా మెరిసింది. ఇప్పుడు టీవీల్లోనే వివిధ షోలతో బిజీగా ఉంది. అయితే ఈ భామ కి ఆన్ స్క్రీన్ జోడీగా సుధీర్ బాగా సెట్ అయ్యాడు. షోలో వీరిద్దరూ కలిసి చేసే హంగామా ఆడియన్స్ ని బాగా అలరిస్తోంది. అంతేకాకుండా వీరి మధ్య కెమిస్ట్రీ కూడా సెట్ కావడంతో.. నిజజీవితంలోనూ భార్యాభర్తలు అయితే బాగుంటుందని కోరుకుంటున్నారు. కోరుకోవడం ఏమిటి.. ఆ విషయాన్నీ ఓ నెటిజన్ డైరక్టర్ గా రష్మీకి చెప్పేసాడు. . “సుధీర్‌ని పెళ్లి చేసుకో.. మీరిద్దరు ఒకరి కోసం ఒకరు పుట్టినట్లు ఉంటారు.. మీ కెరీర్‌ కోసం కష్టపడి పని చేస్తున్నారు” అని చెప్పాడు.
ఆ సలహాని రష్మీ లైట్ తీసుకుంటుందని అనుకుంటే.. సీన్ రివర్స్ అయింది. నా పెళ్లికి నీ సలహా ఏంటి ? అని అతనిపై విరుచుకుపడింది. “మేము స్క్రీన్‌పై నటిస్తుండగా మాత్రమే మీరు చూశారు.. ఆ మాత్రానికే మేము ఒకరి కోసం ఒకరం పుట్టామని మీరెలా అనుకుంటారు?.. రియల్‌ లైఫ్‌, రీల్‌ లైఫ్‌ లని వేర్వేరుగా చూడడం నేర్చుకోండి. మేము స్క్రీన్‌పై చేసేదంతా ప్రేక్షకులకు వినోదాన్ని అందించడం కోసమే. మేము ఎవరిని పెళ్లి చేసుకోవాలనేది మాకు సంబంధించిన విషయం. మాకు మీ నుంచి ఎటువంటి సూచనలు అవసరం లేదు” అని గట్టిగా వార్నింగ్ ఇచ్చింది. ఊహించని రిప్లై కి సదరు వ్యక్తి షాక్ తిన్నాడు. ఇక నుంచి రష్మీ తో జాగ్రత్తగా మాట్లాడాలని ఈ సంఘటనతో నెటిజనులకు తెలిసి వచ్చింది.
