బుల్లితెర పై తన హాట్ హాట్ అందాలతో కుర్రకారుని హీటెక్కించే రష్మీ సోషల్ మీడియాలో తన హాట్ హాట్ పిక్స్ ను పోస్ట్ చేస్తూ యమ యాక్టివ్ గా ఉంటుందన్న సంగతి తెలిసిందే. అంతే కాదు నెటిజన్లు అడిగే ప్రశ్నలకి సమాధానాలు కూడా ఇస్తూ ఉంటుంది. ఈ క్రమంలో ఎవరైనా ఆమెకు ఒళ్ళు మండించే ప్రశ్నలు అడిగితే మాత్రం వాళ్ళకు ఘాటుగా సమాధానమిస్తుంది. ఇక మరో పక్క ఆమె పోస్ట్ చేసిన ఫోటోలపై కానీ ఎవరైనా నెగటివ్ కామెంట్స్ చేస్తే వాళ్ళకి ఓ రేంజ్లో క్లాస్ పీకుతుంటుంది. ఇప్పుడు కూడా అదే సీన్ రిపీట్ అయ్యింది. ఆడవాళ్ళు సరైన దుస్తులు ధరించాలని మెసేజ్ లు ఇస్తున్న ఓ నెటిజన్ కి రష్మి ఘాటుగా రిప్లై ఇచ్చింది. ఇటీవల బాలీవుడ్ నటి ప్రియాంక చోప్రా ఓ మ్యాగజైన్ కవర్ పేజీ కోసం చీర కట్టుకొని ఫోటోషూట్ లో పాల్గొంది. అయితే ఆమె బ్లౌజ్ లేకుండా చీర మాత్రమే కట్టుకొని ఫోటోలకు ఫోజులిస్తూ డాన్సులు చేసింది. దీంతో నెటిజన్లు ఆమెను ట్రోల్ చేసారు. ఈ క్రమంలో భారతదేశంలో జాకెట్ లేకుండా చీరలు ధరించే మహిళలు కొందరు ఉన్నారని … కొన్ని బాలీవుడ్ వెబ్ సైట్లు కథనాలు రాసుకొచ్చాయి.
ఇదిలా ఉంటే… జాకెట్ లేకుండా చీరకట్టుకోవడం పూర్వకాలం నుండి ఉందని ఓ వెబ్ సైట్ రాశిన కథనాన్ని రష్మి రీట్వీట్ చేసింది. అంతే కాదు ‘మేమేం బ‌ట్ట‌లేసుకుంటే మీకెందుకు.. ఇది ఇండియా ఎవ‌రు ఎలాంటి డ్ర‌స్ అయినా వేసుకోవ‌చ్చు.. ఊరికే మహిళల వస్త్రధారణపై ప‌డ‌కండి’ అంటూ సెటైర్లు కూడా వేసింది. దీనికి ఓ నెటిజన్.. ‘ఇలాంటి బట్టలు వేసుకోవడం వలన ఏమైనా ఉపయోగం ఉందా..? ఇలాంటి బట్టలు కారణంగానే అమ్మాయిలు అత్యాచారాలకు గురవుతున్నారు. సరైన పొడవులు దుస్తులు ధరిస్తే దాదాపు నేరాలని తగ్గించే అవకాశం ఉంది’ అంటూ చెప్పుకొచ్చాడు. ఇది చూసిన రష్మి ‘ఇలాంటి ఆలోచనలు ఉన్న నువ్వు పుట్టడమే ఓ పెద్ద నేరం’ అంటూ ఘాటుగా బదులిచ్చింది.
