హీరోయిన్ అవుదామని ఇండస్ట్రీకి వచ్చి క్యారెక్టర్ ఆర్టిస్ట్ గానూ ప్రయత్నించి వెనుదిరిగి.. యాంకర్ గా రీఎంట్రీ ఇచ్చి భీభత్సమైన స్టార్ డమ్ సంపాదించుకొంది “రష్మీ”. హాట్ యాంకర్ గా ఆమె సాధించిన పాపులారిటీ చూసి స్టార్ హీరోయిన్లు సైతం విస్తుబోయారు. “గుంటూరు టాకీస్, అంతం” లాంటి సినిమాల్లో చెప్పుకోదగ్గ నటీనటులు ఎవరూ లేకపోయినా.. భారీ స్థాయి ప్రారంభ వసూళ్లు సాధించిందంటే ఏకైక కారణం రష్మి గ్లామర్. ఆ తర్వాత డబ్బుల (ఈ విషయాన్నే ఆమే ఒప్పుకొన్నారు) కోసం వరుసబెట్టి సినిమాలు చేసినప్పటికీ.. అవన్నీ డిజాస్టర్స్ గా నిలవడంతో రష్మీ కొన్నాళ్లు సినిమాల నుండి బ్రేక్ తీసుకొంది.
అయితే.. రష్మీ త్వరలోనే ఒక వెబ్ సిరీస్ లో కనువిందు చేయడానికి సన్నద్ధమవుతోంది. “ఏ ఫిలిమ్ బై అరవింద్” ఫేమ్ శేఖర్ సూరి దర్శకత్వంలో తెరకెక్కనున్న వెబ్ సిరీస్ లో శ్రీకాంత్, సత్యదేవ్ కీలకపాత్రలు పోషిస్తుండగా.. రష్మీ గౌతమ్ కథానాయికగా నటించనుంది. త్వరలోనే రెగ్యులర్ షూటింగ్ మొదలవ్వనున్న ఈ సిరీస్ ఏ ప్లాట్ ఫార్మ్ మీద లభ్యమవుతుంది అనే విషయంలో ఇంకా క్లారిటీ లేదు.
