ఒక పాపులర్ హీరో, అదే స్థాయి పాపులారిటీ ఉన్న హీరోయిన్ కలిసి రెండు మూడు సినిమాలు చేశారంటే వారి మధ్య ఏదో ఉందని గాసిప్పులు రావడం అనేది చాలా సర్వసాధారణంగా జరిగే విషయం. అందులోనూ విజయ్ దేవరకొండ మరియు రష్మికలు ఆన్ స్క్రీన్ మాత్రమే కాక ఆఫ్ ది స్క్రీన్ కూడా చాలా క్లోజ్ గా ఉంటారు. అందువల్ల వారి నడుమ ఏదో ఉంది అనుకోవడం మామూలు విషయం అయిపోయింది.
అయితే.. “డియర్ కామ్రేడ్” ప్రమోషన్స్ లో భాగంగా మీడియా ఇంటర్వ్యూల్లో పాల్గొన్న రష్మికను ఇదే ప్రశ్న అడగగా.. ఆమె చాలా సింపుల్ & స్వీట్ గా “అసలు నాకు రోజూ జిమ్, యోగా, డైట్, షూటింగ్, సినిమాలు చూడడంతోనే టైమ్ సరిపోవడం లేదు. ఇక విజయ్ ను ఎక్కడ ప్రేమిస్తాను, ఎక్కడ డేట్ చేస్తాను” అని సమాధానమిచ్చింది రష్మిక. అమ్మడు చెప్పిన దాంట్లో లాజిక్ ఉన్నప్పటికీ.. వారిద్దరి కెమిస్ట్రీ చూస్తే మాత్రం అలా అనిపించదు మరి. ప్రస్తుతం రష్మిక మహేష్ బాబు, అల్లు అర్జున్ సినిమాలు సైన్ చేసి.. సదరు ప్రొజెక్ట్స్ లో తన పాత్ర ఎప్పుడు మొదలవుతుందా అని వెయిట్ చేస్తోంది.
