ఫ్యాన్ ఇచ్చిన గిఫ్ట్ కి వావ్ అంటున్న రష్మిక మందాన

October 5, 2020 / 09:13 PM ISTByFilmy Focus

Join Us

ఫ్యాన్ ఇచ్చిన గిఫ్ట్ కి వావ్ అంటున్న రష్మిక మందాన

ఓ అభిమాని బహుమతికి అందాల సుందరి రష్మిక మందాన ఫిదా అయ్యింది. వావ్ అంటూ సోషల్ మీడియా వేదికగా అతనిపై ప్రశంశల జల్లు కురిపించింది. ఇంతకీ ఆ అభిమాని ఇచ్చిన గిఫ్ట్ ఏమిటనే కదా మీ సందేశం. ఓ యంగ్ ఫ్యాన్ తన కళ్ళకు గంతలు కట్టుకొని రష్మిక బొమ్మను అవలీలగా, అచ్చు గుద్దినట్లు వేసేశాడు. రష్మిక రూపాన్ని మనసులో ముద్రించుకున్న సదరు అభిమాని చూడకుండానే రష్మిక బొమ్మను చక్కగా వేయడం జరిగింది. ఆ వీడియోను రష్మిక తన అధికారిక ట్విట్టర్ లో పోస్ట్ చేశారు.

అలాగే ఆ బొమ్మ అద్భుతం అంటూ తన స్పందన తెలియజేశారు. మరి అంతలా అభిమానించే ఫ్యాన్స్ ని కలిగివుండడం చిన్న విషయం కాదు. అందుకే ఆ అభిమాని టాలెంట్, అతనికి ఆమెపై ఉన్న ఆరాధన తెలిసేలా తన ఆధికారిక ట్విట్టర్ లో పోస్ట్ చేశారు. ఇక ఈ ఏడాది తెలుగులో రెండు హిట్స్ తన ఖాతాలో వేసుకుంది రష్మిక. సంక్రాంతి బ్లాక్ బస్టర్ సరిలేరు నీకెవ్వరు మూవీతో భారీ విజయం అందుకుంది. మహేష్ వెంటబడే అమ్మాయిగా రష్మిక క్యూట్ యాక్టింగ్ ప్రేక్షకులను తెగనచ్చేసింది.

అలాగే నితిన్ తో ఆమె చేసిన రొమాంటిక్ ఎంటర్టైనర్ భీష్మ సైతం మంచి వసూళ్లు రాబట్టింది. టాలీవుడ్ లక్కీ లేడీ ముద్ర వేసుకున్న రష్మిక అల్లు అర్జున్ సరసన పుష్మ మూవీ ఛాన్స్ దక్కించుకోవడం విశేషం. ఆ మూవీతో రష్మిక ఏకంగా పాన్ ఇండియా ఎంట్రీ ఇవ్వనుంది. మరి పుష్ప మంచి విజయం సాధించిన నేపథ్యంలో రశ్మికకు బాలీవుడ్ లో కూడా అవకాశాలు దక్కే అవకాశం కలదు.