కన్నడ బ్యూటీ రష్మిక తొలి చిత్రంతోనే తెలుగువారి మనసు దోచుకుంది. ఛలో సినిమాలో నాగశౌర్యకి జంటగా నటించి మెప్పించింది. వెంకీ కుడుములు దర్శకత్వంలో వచ్చిన ఈ సినిమా సూపర్ హిట్ దిశగా దూసుకుపోతోంది. దీంతో రష్మిక టాప్ డైరక్టర్స్ దృష్టిలో పడింది. తన శిష్యుడి సినిమాని రిలీజ్ రోజే చూసిన మాటలమాంత్రికుడు త్రివిక్రమ్ శ్రీనివాస్.. వెంకీ కుడుముల దర్శకత్వ ప్రతిభని మెచ్చుకున్నారు. అలాగే నాగశౌర్యను అభినందించారు. రష్మిక నటనకు ఫ్లాట్ అయి.. తన సినిమాలో అవకాశమిచ్చినట్లు సమాచారం. అజ్ఞాతవాసి తర్వాత త్రివిక్రమ్ ఎన్టీఆర్ తో సినిమా చేయనున్న సంగతి తెలిసిందే.
హారిక అండ్ హాసిని క్రియేషన్స్ బ్యానర్లో రాధా కృష్ణ నిర్మించనున్న ఈ చిత్రంలో హీరోయిన్ గా మొదట అను ఇమ్యానుయేల్ ని అనుకున్నారు. అయితే అజ్ఞాతవాసి ఫెయిల్ కావడంతో ఆమెను పక్కన పెట్టారు. ఆ స్థానంలో రష్మిక ను సెలక్ట్ చేసినట్లు ఫిలిం నగర్ వాసులు చెప్పారు. జై లవకుశ సినిమాతో వరుసగా నాలుగు విజయాలు సొంతం చేసుకున్న ఎన్టీఆర్.. విజయపరంపరను కొనసాగించడానికి కష్టపడుతున్నారు. ఇందులో కొత్తగా కనిపించడానికి బాలీవుడ్ ట్రైనర్ సలహాలతో డైట్ పాటిస్తున్నారు. భారీ క్రేజ్ నెలకొని ఉన్న ఈ మూవీ వచ్చే నెల సెట్స్ మీదకు వెళ్లనుంది. ఈ మూవీ హిట్ అయితే రష్మిక టాలీవుడ్ టాప్ హీరోయిన్ జాబితాలో చేరిపోతుంది.
