ఈ మధ్య కాలంలో స్టార్ డైరెక్టర్ సుకుమార్ తన సినిమాలోని ప్రతి పాత్ర ఎంతో ప్రత్యేకంగా ఉండే విధంగా జాగ్రత్తలు కనిపిస్తున్నారు. మాస్ సినిమాల్లో నటించినా లుక్ విషయంలో క్లాస్ గానే కనిపించిన అల్లు అర్జున్ ను పుష్ప సినిమాలో సుకుమార్ ఊరమాస్ పాత్రలో చూపిస్తూ పుష్ప సినిమాపై అంచనాలను భారీగా పెంచేశారు. పుష్పరాజ్ పాత్రలో బన్నీ నటవిశ్వరూపం చూపించబోతున్నారని తెలుస్తోంది. బన్నీకి జోడీగా ఈ సినిమాలో రష్మిక నటిస్తుండగా పుష్పరాజ్ భార్యగా రష్మిక కనిపిస్తారని సమాచారం.
నారప్ప మూవీలో ప్రియమణిలా పుష్ప మూవీలో రష్మిక పాత్ర ఉండనుందని కామెంట్లు వినిపిస్తున్నాయి. పుష్ప పార్ట్1 ఈ ఏడాది చివరిలో రిలీజ్ కానుండగా చిత్తూరు మాండలికంలో మాట్లాడే గృహిణిగా రష్మిక కనిపించనున్నారు. బన్నీ, రష్మిక మధ్య వచ్చే సీన్లు ప్రేక్షకులను ఆకట్టుకునేలా ఉంటాయని తెలుస్తోంది. 2022 సంక్రాంతి పండుగకు విపరీతమైన పోటీ ఉండటంతో సోలో రిలీజ్ డేట్ కే బన్నీ ఫిక్స్ అయ్యారని సమాచారం. పుష్ప పార్ట్1 రిలీజ్ కు వారం ముందు కేజీఎఫ్ ఛాప్టర్2 రిలీజయ్యే అవకాశాలు ఉన్నాయని వార్తలు వస్తున్నాయి.
త్వరలో కేజీఎఫ్ ఛాప్టర్2 రిలీజ్ డేట్ కు సంబంధించిన అధికారిక ప్రకటన వెలువడనుంది. పాన్ ఇండియా మూవీగా పుష్ప తెరకెక్కుతుండగా ఈ సినిమాకు ఏ స్థాయిలో కలెక్షన్లు వస్తాయో చూడాల్సి ఉంది. తాజాగా పుష్ప సినిమా సెట్స్ నుంచి అనసూయ లుక్ లీక్ కాగా అనసూయ నెగిటివ్ షేడ్స్ ఉన్న పాత్రలో కనిపిస్తారనే కామెంట్లు వినిపిస్తున్నాయి.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
